Asosiy mavzular
16 yanvar 2017

O‘zini kartoshka bilan ta'minlayotgan «qudratli davlat»

Har narsadan hikmat izlaydigan xalqmiz. Avvalgi prezidentning har bir gapidan hikmat izlayverib charchamagan ekanmiz shekilli, Toshkent davlat o‘zbek tili va adabiyoti universiteti professori ham «XXI asr» gazetasidagi (12.01) chiqishida yangi davlat rahbarining «2017 yilni Xalq bilan muloqot va inson manfaatlari yili deb nomlashida o‘ziga xos hikmat bor»ligini ko‘ribdi.

Professorning maqolasi prezidentning  biror uchrashuvi, ma'ruzasi yoki farmoniga munosabat bildirish an'anasining namunasi bo‘lib, davlat rahbarining ilm-fan namoyondalari bilan uchrashuvi ortidan chop etilgan.

Olim gapni uzoqdan boshlagan. «Bundan qariyb 26 yil avval aholisini birgina kartoshka bilan ta'minlashga imkoni bo‘lmagan bir qoloq respublika … dunyo miqyosida rivojlanishning «o‘zbek modeli» bilan e'tirof etilgan qudratli davlatga aylandi», deydi muallif.

U yoki atayin yolg‘on yozgan, yoki keyingi vaqtlarda bozor oralamagan. Agar bozorga borganida bu «qudratli davlat»ning fuqarolari hukumatning zo‘ri bilan arzonlashtirilgan narxda sotilayotgan kartoshkaga qator-qator navbatda turganini ko‘rgan bo‘lardi.

Shundan so‘ng professor mamlakatimizdagi ta'lim tizimining «zamon talablariga javob beradigan» shart-sharoitlari haqida lof urishga o‘tadi va buni qiyoslash uchun: «… hozirgi kunda rivojlangan davlat deb aytiladigan o‘lkalarda 12 yillik bepul majburiy ta'limga erishilgani yo‘q, aqalli 5 yillik majburiy ta'limni ta'minlashga davlatning qurbi yetmayapti», deb yozadi.

Albatta, maqtalayotgan ta'lim tizimida bolalar metallolom, makalatura yig‘ish, paxta terimiga jalb etilishi haqida olim hech narsa demaydi.

«Qorovulbozor raqobatga tayyor», deya jar soldi shu gazeta orqali Qorovulbozordagi Buxoro neftni qayta ishlash zavodi sex boshlig‘i.

Benzin taqchil bo‘lib, Toshkentdan boshqa joylar erkin yoqilg‘i savdosi haqida unutganiga ancha yillar bo‘lgan, chiqargan benzini ham iflosligi sababli mashina motorini chiyillatib yuboradigan zavod kim bilan raqobat qilmoqchi, deb o‘ylanib qoladi kishi.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
10 fevral 2017
Deputatlar ham kutib turgan ekan shekilli, prezidentning faol bo‘ling, degan topshirig‘idan keyin bel bog‘lab xalq bilan ham tillashishga tushib ...
2 noyabr 2018
Vladimir Jirinovskiy boshchiligidagi Rossiya delegatsiyasi 2 noyabr kuni Buxoroga keldi. Rossiya Davlat dumasi deputatlaridan iborat delegatsiyani, O‘zA xabariga ko‘ra, ...
5 mart 2019
O‘zbekiston TV kanallaridan «Abdulhamid» serialining olib tashlanishi turk seriallariga qarshi qatlamni tag‘in qo‘zg‘adi. Bu safar ular serialning olib tashlanishidan ...
4 iyun 2016
Mashxur o‘zbek xonandasi, Rossiyaning «Golos» shou yulduzi Nargiz Zokirova (44) 2 iyun kuni o‘zining italiyalik eri Filipp Baltsano bilan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...