Asosiy mavzular
20 yanvar 2017

O‘zbekiston inson huquqlari kafolatlari bilan maqtanmoqda

«Xalq so‘zi» gazetasida (18.01) O‘zbekiston inson huquqlari milliy markazi raisining inson huquqlari to‘g‘risidagi xalqaro paktlarning 50 yilligiga bag‘ishlab Moskvada bo‘lib o‘tgan ilmiy-amaliy konferentsiya to‘g‘risidagi maqolasi e'lon qilindi.

Muallif O‘zbekiston inson huquqlari borasidagi ko‘plab xalqaro hujjatlarga qo‘shilganini ta'kidlar ekan, bu boradagi «yutuqlar»ni erinmay sanab o‘tadi.

Shular qatorida «bosh vazirning virtual qabulxonasi katta qiziqishga sabab bo‘lgani»ni ta'kidlaydi.

Muallif o‘z maqtovlarini tadbir ishtirokchilarining fikrlari bilan mustahkamlashga harakat qiladi.

Xususan, uning yozishicha, Qiynoqlar va g‘ayriinsoniy yoki kamsitib muomala qilish yoki jazolashning oldini olish bo‘yicha Yevropa qo‘mitasi a'zosi O.Noyanova «O‘zbekiston Markaziy Osiyoda birinchilardan bo‘lib inson huquqlari milliy institutlar tizimini yaratgani»ni qayd etgan.

Inson huquqlari bo‘yicha BMT Bosh komissari boshqarmasining Yevropa va Markaziy Osiyo sektori mudiri X.Tsedeva esa O‘zbekiston prezidentning sud-huquq tizimini isloh qilishga oid farmoni «sudlarning haqiqiy mustaqilligi va erkinligini ta'minlashga yo‘naltirilgan»ini bildirgan.

Albatta, bu arboblar O‘zbekistonda «birinchilardan bo‘lib yaratilgan inson huquqlari milliy tizimi» aslida qog‘ozdagina inson huquqlarini himoya qilishi, sudlar esa hokimiyatdan norozilarni jazolash vositasi bo‘lib qolayotganini bilmaydi, deyishga bizda asos yo‘q.

Agar shunday bo‘lgan taqdirda ularga «Hyuman rayts uotch» tashkilotining dunyoda inson huquqlariga oid yaqinda e'lon qilingan hisobotini yoki mustaqil OAVda mamlakatda nohaq qiynoqlar natijasida o‘lganlar, adolatsizlar qurboni bo‘layotganlar to‘g‘risida e'lon qilingan maqolalarni o‘qishni maslahat bergan bo‘lardik.

Masalan, o‘tgan yilning avgustida buxorolik tadbirkor, aka-uka ibodovlar hibsga olingan, keyinchalik Ilhom Ibodov MXX xodimlari tomonidan qiynab o‘ldirilgan edi. Uning akasi Rahim Ibodov hamon qamoqda qolmoqda.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
22 iyun 2020
Yevropadagi eng nufuzli gazetalardan biri, Tsyurixda chop etiladigan Neue Zürcher Zeitung o‘tgan haftada o‘zbek paxtasi, majburiy mehnat va O‘zbekiston ...
12 yanvar 2017
O‘zbekistonda «Korruptsiyaga qarshi kurashish to‘g‘risida»gi qonunning qabul qilinishi ortidan senator va deputatlarning bu hujjatga oid balandparvoz chiqishlari paydo bo‘la ...
5 may 2017
Shavkat Mirziyoev Qozog‘istonga 29 aprel tashrifi chog‘ida Qozog‘iston prezidenti Nazarboev bilan birga Caspian Food vinochilik xo‘jaligida bo‘ldi. Xususan uning ...
23 avgust 2022
DXX Chegara qo‘shinlari Surxondaryo viloyatida Davlat chegarasini noqonuniy kesib o‘tgan 24 nafar Afg‘oniston fuqarosi qo‘lga olinganini ma'lum qildi. Ularning ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...