Asosiy mavzular
24 fevral 2017

Tsenzorning erkinlikka chorlovi

So‘nggi vaqtlarda o‘zbek matbuotida ilgari tilga olinmagan mavzular ko‘tarilayotganiga bir necha marta e'tibor qaratgandek.

«Oila va jamiyat» gazetasida (22.02) «O‘zbekiston ovozi» gazetasi bosh muharriri Safar Ostonov bilan suhbatni o‘qib, aynan matbuot erkinligiga o‘z ta'siri doirasida to‘sqinlik qilib shaxslar bugun yana qahramonlik da'vosini qilayotganiga dalil topgandek bo‘ldik.

Chunki «O‘zbekiston ovozi» gazetasini kuzatib borsangiz, u nafaqat kechagi kunlarda o‘zbek matbuotining eng yomon ko‘rinishi namunasi bo‘lganini, balki bugun ham qariyb o‘sha ahvolda ekaniga guvoh bo‘lasiz.

Ammo «Oila va jamiyat» muxbiri bilan suhbatda bu bosh muharrir xuddi erkin matbuot targ‘ibotchisidek taassurot uyg‘otishga harakat qilgan, lekin ilk gaplarining o‘ziyoq uning aslida bunga qarshi ekanini ko‘rsatib qo‘ygan.

«Birinchi prezidentimiz Islom Karimov rahbarligida olib borilgan keng ko‘lamli islohotlarni bugun yanada katta talab va mas'uliyat bilan davom ettirishni hayotning o‘zi talab qilmoqda», deb gap boshlagan bu «matbuot darg‘asi».

Aslida I.Karimov hukmronligi o‘zbek matbuotini bichib qo‘ygani, uni abgor qilganini bu «mutafakkir» bilmaydi deb o‘ylaysizmi? Biladi. Bilgani-ku mayli, bu siyosatni amalga oshiruvchilar safida turadi.
Shuning uchun intervyuda ham u umumiy gaplardan nariga o‘tmaydi, sixni ham, kabobni ham kuydirmaydigan fikrlarni qatorlashtirib tashlaydi.

Bosh muharrir so‘zlariga ozgina zalvor berish uchun: «Ilgari «Jurnalist surishtiruvi», «Sud ocherki» degan janrlar bor edi, bugun yo‘qolib ketdi», deb hammaga ma'lum gapni qistirib o‘tadi va «jurnalistlarimiz ijtimoiy muammolarni kam ko‘taradigan bo‘lib qoldi», deya yozg‘iradi.

O‘zbek matbuoti tanqid qilinganda «bugun bosh muharrirlar ham, jurnalistlarning o‘zi ham tsenzor bo‘lib ketdi» qabilidagi fikrlar bildiriladi.

Eng qizig‘i, ana shunday tsenzor vazifasini o‘tab kelganlar bugun matbuot erkinligi haqida boshqalarga aql o‘rgatmoqda. Ular yanada bosh qahramon roliga da'vogar bo‘lyapti.

Shunday ekan, bunday «qahramonlar»ga yana bosh rol taklif etilayotgan yurtimizda matbuotning erkinlashuviga qanchalik ishonish mumkin?

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
23 oktyabr 2020
Gulnora Karimovaning qizi Imon o‘zining feysbuk sahifasida 22 oktyabr kuni yozishicha, Zangiotadagi 21-koloniyada saqlanayotgan onasining sog‘lig‘i ancha yomonlashgan va unga ...
3 sentyabr 2016
O‘zbekiston prezidenti Islom Karimovning janozaci uning mulozimlari va mehmonlari ishtirokida Camarqandning Registon maydonida o‘qildi. Janozadan so‘ng uning jasadi so‘nggi ...
13 noyabr 2017
Qozog‘istonning Sayram tumanida yashovchi 34 yoshli Xayrulla Normetov «o‘ris diniga kirib ketgani uchun» xotinining qorniga pichoq tiqqanini iddao qilib, ...
9 dekabr 2017
Konstitutsiyaning 25 yilligiga bag‘ishlab 7 dekabr kuni qilgan chiqishida prezident Mirziyoev 2700 odamni avf qilganini bildirdi. «Hozir 57 ming ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...