Asosiy mavzular
10 aprel 2017

Kambag‘allik sababi kommunal to‘lovlardan qarzdorlikmi?

“Oila va jamiyat” gazetasida (05.04) “Nega topganimizda baraka yo‘q?” maqolani o‘qirkan, jurnalist iddaosidagi turli paradokslarga duch keldik. Maqola O‘zbekistondagi ko‘plarni qiynayotgan kambag‘allik – topish tutishda barakaning yo‘qligi sabablari haqida.

So‘nggi vaqtlarda jurnalistlarning mayda bo‘lsa-da, ayrim muammolarni ko‘tarib chiqayotganiga, xalq manfaatiga aloqadar kichik-kichik mavzularga qo‘l urayotganiga ko‘zimiz tushayotgani uchun “nahotki bugungi O‘zbekistondagi ish haqlari kamligi, kishilar topganini ertasiga yetkaza olmayotgani haqida yozilgan bo‘lsa”, degan o‘yda uni o‘qishga tushdik.

“Kunni tunga, tunni tongga ulab mehnat qilamiz, na uyqumizda, na yurish-turishimizda halovat bor. Ammo ko‘pchilik biri ikki bo‘lmayotganidan noliydi”, deya boshlangan maqolada orzu-havaslarning daqiqa sayin o‘sishi, bolalar katta bo‘lib, xarajatlar ham kattalashib borayotgani buning oddiy sababi ekani ta'kidlanadi.

Muallif baraka yo‘qligining “jiddiy sababi”ni qarzdorlikka bog‘lagandan keyin yuqorida miyamizga kelgan o‘yning asossiz ekani, jurnalistning maqsadi aslida aholini qiynayotgan masalani ko‘tarish emas, kishilarni kommunal to‘lovlarni o‘z vaqtida to‘lashga undash ekani ma'lum bo‘lib qoldi.

Maqolada iddao qilinishicha, ko‘pchilik kommunal to‘lovlarni qarz o‘rnida ko‘rmaydi. Ammo turli tadbirlar uyushtirish, birovnikidan dabdabali qilib to‘ylar o‘tkazish uchun pul topiladi.

Mazkur iddaolar Islom instituti o‘qituvchisi bo‘lgan din peshvosining dinimizda qarzdorlik masalasida berilgan ko‘rsatmalari bilan mustahkamlanadi.

To‘g‘ri, kommunal to‘lovlarni o‘z vaqtida amalga oshirish kerak. Lekin sohadagi qarzdorlik borasida gapirganda aravani quruq olib qochib, aybni xalqqa ag‘darishdan oldin mazkur qarzdorlikka sabab aholining to‘lov qobiliyati pastligini aytish kerak emasmidi?

Ko‘pchilik qora qozonini qaynatishga qiynalib turgan bir paytda kommunal to‘lovlar narxi tinimsiz o‘sib borayotgani, ish haqlari va bu to‘lovlar o‘rtasida mutanosiblik yo‘qligini ko‘rsatib berish mantiqli bo‘lmasmidi?

“Issiq suv uchun to‘lab qo‘y, gaz uchun to‘lab qo‘y, elektr haqini esdan chiqarma” qabilidagi chaqiriqlar ham matbuotda, ham teleradiokanallarda tinimsiz yangrayotgan bir paytda aholini bunday qarzdorlikka mahkum etayotgan asl sabablar haqida ochiq-oydin yozilsa, oqilona ish bo‘lardi nazarimizda.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
23 may 2018
O‘zbekistonda 2017 yilgi paxta yig‘im-terimi mavsumida bolalar mehnatidan foydalanish juda sezilarli darajada kamayganiga qaramay, majburiy mehnatdan foydalanish ko‘lami kengligicha ...
20 dekabr 2018
O‘zbek muxolifati lideri, shoir Muhammad Solih tug‘ilgan kuni arafasida uning Yangibozordagi tug‘ilib o‘sgan uyiga do‘stlari, safdoshlari, muxlislaridan iborat bir guruh ...
23 fevral 2017
20 fevral kuni O‘zbekiston tomoni Tojikistonning “Somon Eyr” kompaniyasi uchog‘ini qabul qila olmasligini bildirgani haqida xabarlar chiqdi. 25 yillik ...
15 oktyabr 2019
Eltuz nashri “Yozarning sasi” ruknida o‘zbekistonlik taniqli shoira Gulchehra Nurullaeva fikrlarini e'tiboringizga taqdim etadi: “Gorbachyovning oshkoralik siyosati barchamizning ko‘zimizni ...
Bloglar
27 oktyabr 2020
To‘qsoninchi yillarda talaba edim. Dang‘aralik taniqli jurnalist Shokirali Nuraliev: “Kapitalizm huquqsiz, yollanma ishchilarni ezib ishlatishdir. ...
26 oktyabr 2020
Ijtimoiy tarmoqlarda populistlar tomonidan Frantsiya mahsulotlariga boykot e'lon qilish haqida chaqiriqlar paydo bo‘lmoqda. Kelinglar, bu ...
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol mollari ...