Asosiy mavzular
28 aprel 2017

Toshkentda yashash uchun grin-kard tizimi yaratish kerakmi?

Toshkent propiskasiga kirish uchun rasmiy ro‘yhatdagi hujjatlarni yig‘ishga vaqtincha poytaxtda bo‘lish muddati ham yetmasligi haqidagi maqolani chop etgan Kun.uz nashri, ayni mavzudagi munosabatlarni ham yoritdi.

Bu mavzuda keyingi paytlarda sayt ketma-ket bir necha maqola e'lon qildi.

Jumladan, bir necha tanlovlar sovrindori bo‘lgan o‘qituvchi Toshkent viloyatidan sotib olgan shaxsiy uyiga 6 yildan buyon ijarada turib, vaqtinchalik ro‘yxatda turib ishlayotganini bayon qilgan.

«Doimiy ro‘yxatga qo‘yishni iltimos qilib prezidentga ham yozdik, ichki ishlardan kelgan xatga ko‘ra, biz ro‘yxatga qo‘yilishi mumkin bo‘lgan toifaga kirmas ekanmiz. Shunda o‘zimga savol berdim: men qaysi toifadagi fuqaroman?» deydi murojaatchi.

Shuningdek, u «portalga Toshkent shahri va Toshkent viloyatiga «grin-kard» tizimining mentalitetimizga moslashtirilgan variantini qo‘llash taklifini bergandim, bu taklifim ham qanchalik to‘g‘ri, bilmadim, axir barchamiz O‘zbekiston fuqarosimiz», deydi.

Boshqa bir murojaatchi esa, 7 yil burun turmush qurgan viloyatlik erini doimiy ro‘yxatga qo‘yish hokimlikning «uyingiz buzilish hududida» degan bahonasi sabab amalga oshmay kelayotganini bildirgan.

Ayol bu masala yuzasidan xalq qabulxonasiga murojaat yuborganida, u yerdagilardan «hokimlik ishlariga aralasha olmaymiz», degan javobni olganini aytadi.

«Virtual qabulxonaga ne umidlar bilan xat yozgandim, hammasi ko‘zbo‘yamachilik va xo‘jako‘rsingami? Hokimlik o‘ziga monopol tashkilotni yaratib olgan bo‘lsa, xalq qabulxonalarini ochishdan nima naf bor?» deya o‘rtanadi ayol.

Maqolada fuqarolarning poytaxt va Toshkent viloyatida doimiy yashashini cheklovchi bitta qonun, bitta qaror va bitta nizom borligini eslatib, poytaxtda shunday istiqomat qilayotganlarning aksariyati davlatga tegishli muassasalarda ishlayotgan o‘qituvchi, shifokorlar ekani, ularga uy xarid qilish va propiskaga qo‘yish uchun darhol imkoniyatlar taqdim etilsa, ayni muddao bo‘lishi ta'kidlanadi.

Xuddi shu mavzudagi boshqa maqolada «Toshkent – O‘zbekiston poytaxti. Hech qaysi qonunda respublika darajasidagi tashkilotlarda faqat toshkentliklar ishlashi shart, deb yozib qo‘yilmagan», deb keskin eslatib o‘tiladi.

Shuningdek, bu boradagi mavjud tartib-qoidalar ham ularga rioya qilishga uringan fuqaroni alal-oqibat qonunni buzishga majbur etishi, mantiqsizlikka to‘la ekani misollar bilan asoslab beriladi.

Aholining aksariyat qismini qiynayotgan, amaldorlarining poraxo‘rligiga yo‘l ochayotgan poytaxt iqomati muammosining mahalliy matbuot uchun ham dolzarb masalaga aylangani ko‘rib, «Nahotki, Toshkent mamlakat ichidagi mamlakatga aylangan bo‘lsa?» deya o‘ylash mumkin.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
17 mart 2016
Xususan, “O‘zbekiston ovozi” gazetasi azaldan qishloq va mahallalarda shakllangan hashar endilikda mamlakat miqyosiga chiqqani, bo‘lib o‘tgan hasharda 18 milliondan ...
27 yanvar 2020
Qashqadaryo viloyati Chiroqchi tumani IIB qidiruv bo‘limining besh nafar xodimi gumonlanuvchini so‘roq paytida urib o‘ldirib qo‘yganlikda ayblanib hibsga olindi. ...
4 fevral 2022
O‘zbekistondagi kadrlar almashuvi kishini sergaklantiradi. 20 yillik shartli qamoqqa hukm etilgan Kozim To‘laganov hokimiyat tizimiga qaytdi. Korrutsiyaga aloqador Abdulla ...
31 may 2018
31 may kuni ijtimoiy tarmoqlarda tarqalgan 3D piyodalar yo‘lakchasi surati Namangan ko‘chalarida olingani aytiladi. O‘zbekistonda shusiz ham tuzukroq asfalt ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...