Asosiy mavzular
5 sentyabr 2017

Konvertatsiya chala ochildi, qora bozor esa ishlayapti

5 sentyabrdan O‘zbekistonda konvertatsiya e'lon qilinib, AQSh dollari erkin savdoga chiqarildi.

Eltuz nashri muxbiri Toshkentdagi bir qancha shoxobchalarda valyuta savdosi ochilganini tasdiqladi. Uning bildirishicha, AQSh dollari 8000 dan harid qilinib, 8150 so‘mdan sotilmoqda.

Biroq o‘zbekistonlik tahlilchi Anvar Nazir Eltuz muxbiriga hamma ham dollar sotib olishga shoshilmayotganini bildirdi.

«Banklar dollar sotishga tayyor emas. Lekin dollarni so‘mga almashtirishda muammo yo‘q. Bankda dollar qimmat. Odamlar kutmoqda» dedi u.

Shuningdek Anvar Nazir konvertatsiyaning birinchi kuni ham poytaxtda qorabozor ishlaganini tasdiqladi.

Uning so‘zlariga ko‘ra, banklardan naqd dollar harid qilish imkoni yaralmaguncha, qorabozor ishlayveradi.

O‘zbekistonlik jurnalist Shuxrat Xurramovning bildirishicha, bankda unga dollarni faqat konversion kartaga tushirish sharti bilan harid qilish mumkinligini aytishgan.

«Bu vaqtinchalik chora va 3-4 oydan keyin banklar ham naqd dollar sota boshlashadi» deya unga bildirishgan.

Boshqa bir suhbatdosh Nodira Xidoyatova esa hukumatning bu qaroridan mamnun ekanini bildirdi.

«Men iqtisodchimasman, biroq konvertatsiya, investitsiya muxitini jonlantirish, davlat hazinasiga katta tushumning kelishi, banklar ishining normal ishlashi uchun birinchi navbatda kerak bo‘ladigan zaruri shartdir».

«Yagona hadigimiz endi narx-navoning oshishidan», dedi u Eltuz muxbiriga.

Eltuz.com

Tag‘in o‘qing
24 noyabr 2023
Toshkentda o‘tgan hafta bo‘lib o‘tgan professional boks kechasi tadbirkor-mafiozi G‘ofir Rahimovga xalq nazaridan chetda qolmaganini ko‘rsatish uchun yaxshina bir fursat ...
26 iyul 2016
Qamchiq dovonidagi tunnel bahona Oqsaroyga yo‘nalgan paxta oqimi yanada kuchaydi. Butun O‘zbekiston matbuoti bugun shu qurilishni amalga oshirganlarga emas, ...
3 may 2017
Karimov davrida shahar chekkasiga chiqarib tashlangan Shomahmudovlar haykali yana markazga qaytarilmoqda. “San'at asari o‘laroq men bu haykal majmuasini hech ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...