«Qo‘g‘irchoqbozlar soyasi»ning «Eltuz»ga daxli yo‘q

22 fevral kuni telegra.ph internet sahifasida rus tilida «Teni kuklovodov» («Qo‘g‘irchoqbozlar soyasi») sarlavhasi ostidagi maqola paydo bo‘ldi.

Bunda O‘zbekistondagi go‘yoki Davlat xavfsizlik xizmati sobiq raisi Ixtiyor Abdullaevning sherigi deya iddao qilingan 37 nafar shaxsning ro‘yxati keltiriladi.

Ixtiyor Abdullaev shu yilning 11 fevralida rasman sog‘lig‘i yomonlashgani uchun ishdan bo‘shatilgan, bir necha kun o‘tib matbuotda uning qamoqqa olingani haqida xabarlar tarqagan edi.

«Teni kuklovodov» maqolasi tagsarlavhalarida uning muallifi sifatida «Eltuz» ko‘rsatilgan.

Biroq «Eltuz» nashri ushbu maqolaning e'lon qilinishiga mutlaqo daxli yo‘qligini va undagi ma'lumotlarning to‘g‘ri yoki noto‘g‘ri ekanligiga kafil emasligini bildiradi.

Eltuz.com