Asosiy mavzular
9 aprel 2019

Uchko‘prikda prezident kelishiga hashar o‘tkazildi

Farg‘ona viloyatining Uchko‘prik tumanidagi barcha tashkilot va korxona xodimlari 5 aprel kuni prezidentning Farg‘ona viloyatiga tashrifi kutilayotgani bois ommaviy hasharga jalb etildi.

«Prezident Qo‘qon erkin iqtisodiy zonasi hududida barpo etilgan “Shaffof metan” korxonasiga kelar emish, shuning uchun hozir biz ham o‘sha yerga, tozalovga ketyapmiz», dedi ismi sir qolishini istagan suhbatdoshlardan biri.

Uning «Eltuz»ga bildirishicha, ulardan tashqari Beshariq, O‘zbekiston, Bag‘dod, Oltiariq, Rishton, Furqat tumanlaridan ham 800 nafar kishi kelib, prezident kelishiga tayyorgarlik ko‘risharkan.

Eslatib o‘tamiz, o‘tgan yilning noyabr oyida ham Uchko‘prikda “prezident tashrifiga” katta tayyorgarlik ko‘rilgan, tumandagi 18-maktab, 19-MTM, “Mehrigiyo” ishlab chiqarish korxonasi ham tumandagi boshqa maktab-bog‘chalarning xodimlari tomonidan ko‘rikka tayyorlangan edi.

«Haqiqatdan ham, 19-bog‘chada bir oy tayyorgarlik ko‘rilgan edi, o‘shanda har kuni ikki-uch nafardan xodimimiz bilan kelib, bog‘chada tozalov ishlarini bajarganmiz. O‘t yulganmiz, eshik-derazalarni yuvganmiz, hovlilarni supurib-sidirganmiz. Bog‘chadagi ayvonchalar ham boshqa bog‘chalar mudiralarining shaxsiy mablag‘lari hisobiga qurilgan. Shu ayvonchalar bitta mudiraga 2,5 million so‘mga tushgan», dedi bog‘chalardan birining mudirasi.

Mudiralar shuncha pulim yo‘q, qila olmayman, deganda rahbarlar “unda ishdan bo‘shash haqida arizangni yoz”, deb qo‘rqitishgan.

Bog‘cha mudirasi esa haqiqiy mutaxassis bo‘lmaganligi uchun nima qilishni bilmagan, barcha kerakli hujjatlarini, metodik tavsiyalar, mashg‘ulot ishlanmalari, moliyaviy hujjatlarni tajribali bog‘cha mudiralari to‘g‘rilab bergan. Mudira Uchko‘prik sanoat kollejida politexnika yo‘nalishida dars berib yurgan qiz edi. Bir aylanib mudira bo‘lib qoldi.

«Men maktabda direktorning xo‘jalik ishlari bo‘yicha o‘rinbosari bo‘lib ishlayman, noyabr oyida 18-maktabga prezident kelar ekan, deb bizni bir oydan ziyodroq ishlatishdi. Har kuni uch-to‘rt nafar farrosh bilan borib, maktabda tozalov ishlarini qildik. Ammo negadir prezident kelmadi. Mana, ikki-uch kundan buyon yana Qo‘qonboyga hasharga boryapmiz. Bir-bir yarim metr joyni tozalab, o‘tlarini chopib, axlatlarni to‘plab qo‘yyapmiz, keyin kechgacha o‘tiribmiz», – dedi «Eltuz»ning uchko‘priklik suhbatdoshi.

Eltuz.com

Tag‘in o‘qing
22 oktyabr 2023
Eltuz portaliga kelgan so‘nggi beshta shikoyat xatini o‘qib eshittiramiz. Ular O‘zbekistonning Samarqand, Toshkent, Qashqadaryo, Andijon Xorazm viloyatlaridan kelgan. Dastlab ...
20 oktyabr 2016
18-19 oktyabr kunlari Shvetsiya poytaxtida o‘tgan tadbirlarda O‘zbekistondagi bugungi siyosat, So‘z erkinligi, vijdon mahkumlari va paxtachilikdagi majburiy mehnat muammolari ...
8 avgust 2019
“Eltuz” nashri sobiq siyosiy mahkum Muhammad Bekjon qamoqda yozgan “Qo‘rquvning nariyog‘ida” ikkinchi kitobi 12-qismi audioversiyasini taqdim etadi. Kitobning bu ...
20 sentyabr 2016
O‘zbekistonda prezident Karimov ma'rakalari tugashi bilanoq aholini paxta dalalariga ommaviy safarbar qilish boshlandi. Birinchilardan bo‘lib, 7-8 sentyabr kunlari, paxta ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...