Asosiy mavzular
12 aprel 2019

Suv toshqinlari qurbonlari bormi?

So‘nggi vaqtlarda O‘zbekistonda surunkali yoqqan yomg‘irlar sabab yuzaga kelgan sellar natijasida odamlar qurbon bo‘lgani to‘g‘risida xalq orasida turli gaplar yurganiga qaramay, Favqulodda vaziyatlar vazirligi (FVV) ma'lumotlarida bunga aniqlik kiritilmayapti.

FVVning yaqinda tarqatilgan xabarida ayrim viloyatlarda xonadonlarni suv olgani, hovlilar va tomorqalarga suv kirgani haqida so‘z boradi. Shuningdek, vazirlik sel oqibatlarini bartaraf etishga turli idoralar jalb etilganini qo‘shimcha qiladi.

Ammo odamlar orasida so‘nggi sellar vahimasi kuchli. Jumladan, son-sanoqsiz chorva mollari o‘lgani, odamlar orasida halok bo‘lganlar borligi aytilmoqda.

FVVning yuqorida tilga olingan xabarida Qashqadaryo viloyatining Qamashi va Chiroqchi tumanlariga kelgan sellar haqida ma'lumot berilgan bo‘lsa-da, Kitob, Shahrisabz, Yakkabog‘ tumanlaridagi sellar xususida lom-mim deyilmagan.

Shunga qaramay, Yakkabog‘ tumanidagi tog‘li hududlarda yuzaga kelgan sel kamida bir kishining o‘limiga sabab bo‘lgani ehtimoli bor.

“Yakkabog‘ning tepa zonasida joylashgan qishloqlardan birida yosh kelinchak “Damas” bilan birga oqib ketganini aytishyapti. U qanday qilib mashinada oqib ketgan, bunisi ma'lum emas. Yosh kelinchak ekan, deyishyapti. Jasadini hali ham topishmabdi”, dedi “Eltuz” bilan gaplashgan yakkabog‘liklardan biri.

Uning so‘zlariga ko‘ra, o‘tgan haftada kelgan sel ko‘plab mol-qo‘ylarni ham oqizib ketgan. Sel shunchalik dahshatli bo‘lganki, so‘nggi vaqtlarda Yakkabog‘ va Shahrisabz tumanlarini ajratib turuvchi Qizildaryoda bunday suv toshqini kuzatilmagan.

“Ancha-muncha uylarni ham suv olib ketdi. Bunga odamlarning o‘zi ham aybdor. Suv yoqasiga yaqin joylarda uy qurib olgan. Ko‘p yil sel kelmasa ham eski suv yo‘liga uy-joy qurish yaxshi emasligidan qarilarimiz har doim ogohlantirib keladi. Lekin hozir yer yo‘q uy qurishga. Shuning uchun odamlar keksalarning gapiga ko‘p ham quloq solmay qo‘ygan. Suv o‘n yil kelmasligi mumkin. Ammo bir kelganda hamma joyni yuvib ketadi”, deydi yakkabog‘lik suhbatdosh.

Boshqa viloyatlarda ham sellar katta talafotlarga sabab bo‘lgani, hatto qurbonlar borligi to‘g‘risida turli xabarlar mavjud.

Shunga qaramay, FVV bu haqda rasman ma'lumot tarqatmayapti. Haqiqatan ham qurbonlar yo‘q bo‘lsa, bular faqat mish-mish bo‘lsa, xudoga shukur. Biroq buni rasman aytib, mish-mishlarga chek qo‘yish kerak nazarimizda.

FVV mavjud talafotlar to‘g‘risida ham batafsil ma'lumotlar taqdim etmayotgani turli gap-so‘zlar urchishiga olib kelishi esa tabiiydir.

Vazirlikdagi manbaning “Eltuz”ga aytishicha, bu yilgi kuchli yog‘ingarchiliklar sabab ko‘rilayotgan talafotlar avvalgi yillardagidan ko‘ra ancha ko‘p. Ayni paytda vazirlik butun kuchini sel oqibatlarini tugatishga jalb qilgan.

Bundan avvalroq mahalliy matbuotda sel Dehqonobodda temir yo‘lga zarar yetkazgani, Samarqand va Buxoro shaharlarida mahallalarni suv bosgani haqida xabarlar tarqatilgan edi.

Suratda: Navoiy viloyatining Achchi qishlog‘ida sel olib ketgan «Neksiya» avtomobili. Telegram kanalidan

Bahodir Sharif
Eltuz.com

Tag‘in o‘qing
11 may 2017
Notarial idoralarning yulg‘ichliklari  haqida maqola chop etgan “Jamiyat” gazetasiga Adliya vazirligi dag‘dag‘a ohangi yuqori bo‘lgan javobni yo‘lladi. 2017 yilning ...
25 yanvar 2017
Farg‘ona viloyatining tuman IIB idoralaridan birida ishlovchi Eltuz manbasiga ko‘ra, ba'zida guruh bo‘lib, ba'zida yakka tartibda uylarga kirayotgan o‘g‘ri ...
12 avgust 2019
“Eltuz” orqali prezident Shavkat Mirziyoevga ochiq murojaat bilan chiqqan “bir guruh ishsiz qilgan va ishlayotgan prokuratura xodimlari” hozir ham ...
10 yanvar 2019
Olmaliqdagi «Ammofos-Maksam» shirkati ishchisi, 2018 yilgi paxta mavsumida majburiy terimga olib chiqilgan  24 yoshli Sohibjon Mutalibov Jizzax viloyatining Do‘stlik tumani ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...