Asosiy mavzular
16 oktyabr 2019

Matbuot himoyasidagi istisno

Saida Mirziyoeva “OAVni haqiqiy to‘rtinchi hokimiyatga aylantirish yo‘limizdan qaytmaymiz”, deya bong urayotgan bir paytda otasining shotirlari mustaqil jurnalistni adolat istaganlarning xatti-harakatini yoritgani uchun jinnixonaga tiqib o‘tiribdi.

Umuman, O‘zbekistonda OAV erkinligiga bag‘ishlangan xalqaro davra suhbati o‘tkazilgani yaxshi bo‘ldi. U yerda ko‘tarilgan masalalar jurnalistlar erkinligi kengayishiga xizmat qilishini ham taxminlash mumkin.

Lekin shunday anjuman o‘tkazilayotgan bir paytda mamlakatning bir blogeri siyosatga maqbul bo‘lmagan ishlarni ommaga yetkazgani uchun ruhiy kasalliklar shifoxonasida o‘tirgani bunday nekbinlikka soya solishi turgan gap.

Eng afsuslanarlisi, davra suhbatida bu blogerning taqdiri masalasi ko‘tarilmagani kishini o‘ylantiradi.

Har holda mahalliy matbuotda bu masala xususida bir og‘iz so‘z o‘qimadik. Balki aytilgan bo‘lsa ham uni yoritishga jur'at bo‘lmagandir. Yana xudo biladi…

Hatto xalqaro anjumanda qatnashib, o‘ziga nisbatan bo‘layotgan ta'qib va tazyiqlardan himoya istagan boshqa bir jurnalist va blogerning bu istagi ham istisno bilan qabul qilindi.

Xususan, O‘zbekiston matbuotining bugungi “otasi” Komil Allamjonov bu masalada gapni “Jurnalist va blogerlik — hamma narsa mumkin degani emas. Uning ham qonun-qoidasi bor”, deya boshlagani ortida ana shu istisno mana-man deb ko‘rinib turadi. 

Uning “Lekin barcha qonunlarga va belgilangan etika me'yorlariga rioya qilgan holda ishlasangiz-u, sizga nisbatan adolatsizlik va tazyiqlar bo‘lsa, unda sizni albatta himoya qilamiz”, degan va'dasi yuqoridagi gapi kabi tarozi bosmaydi. 

Zero, himoya istagan jurnalist va bloger shu paytgacha qonunbuzarliklar va “belgilangan etika me'yorlariga rioya qilmaslik” borasida tanilmagan.

Uning biz bilgan yagona quroli to‘g‘ri so‘z va adolatni qaror toptirishga urinayotgan qalamidir.

Qolaversa, istisnoda xorazmlik bloger qiz Shabnam Olloshukurovaning taqdiriga ishorani ham ko‘rsangiz bo‘ladi agar istasangiz.

Zero, qonunlarning qanday tatbiq etilishi, “etika me'yorlari”ning me'yori darajasi yuksak martabali amaldorlar va kuchishlatar tizimlarning xohish-irodasiga bog‘liq ekan, hali O‘zbekistonda to‘la erkin matbuotga yo‘l berilishi juda qiyin.

Jurnalistlarni “do‘st” va “dushman” toifalariga bo‘lgan holda ko‘rishga chek qo‘yilmasa ham shu ahvol davom etaveradi. 

Chunki bunday toifalar ham yana o‘sha amaldorlar xohish-irodasiga ko‘ra ajratiladi. Bundan esa yaxshilik kutish yaramaydi.

Eltuz.com

Tag‘in o‘qing
2 oktyabr 2018
Majburiy ijro byurosi tomonidan xalqdan undirilgan trillionlab so‘m mablag‘ning bir qismi aholining zimmasiga yuklangan asossiz qarzdorlik bo‘lishi ehtimoli juda ...
10 noyabr 2018
O‘zbekiston mustaqil bo‘lgan 1991 yildan to shu bugunchaga bu mamlakat hukumati chet elda boshiga ish tushgan birorta vatandoshini himoya ...
17 yanvar 2020
Birov bir nima desa, darrov laqqa tushma. Kishining gapiga quloq sol, ammo bilganingdan qolma. Yetti o‘lchab bir kes. Bu ...
4 yanvar 2021
O‘zbekiston hukumatining 31 dekabrda chiqarilgan qarori bilan tasdiqlangan nizomga ko‘ra, korruptsiyaga qarshi kurashishga munosib hissa qo‘shgan shaxslar davlat mukofotiga ...
Bloglar
20 iyul 2022
O‘zbek xalqi kimga, qaysi rejimga qaram bo‘lib kelgan ediki, endi u o‘zini ozod, erkin millat ...
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...