Asosiy mavzular
5 noyabr 2019

Deputatlikka nomzodini qo‘ymoqchi bo‘lgan shifokor bosimga uchradi

Deputatlikka nomzodini qo‘yishga uringan, biroq rad etilgan shahrixonlik shifokor Otabek Ahliddinovning saylovni tanqid qilgani uchun unga bosim bo‘layotgani haqidagi izohi noyabr kuni feysbuk tarmog‘ida tarqaldi.

«Yangi tuzilgan Ekologik partiyaning butaforik emasligi va byudjetdan moliyalanmasligi haqidagi gaplarga ishonib, a'zo bo‘lib kirgandim. Ammo u yerda ham «o‘sha-o‘shalar» o‘tirgani ma'lum bo‘ldi. Xalq deputatligiga nomzodimni ko‘rsatib, ob'ektivka topshirganimda ular buni yuqori tashkilotga jo‘natishganini aytishgan edi. Biroq keyin hokimiyat mening nomzodimni ma'qullamadi, deya «izoh» berishdi. Mana O‘zbekistondagi saylovlarning butun stsenariysi.

Shunchaki, men partiya yig‘ilishi uning a'zolari emas, balki majburiy tartibda yig‘ilgan turli byudjet tashkilotlari xodimlari ishtirokida o‘tkazilganiga guvoh bo‘ldim. Yig‘ilishda partiya a'zosi bo‘lmagan va yig‘ilishda ishtirok etmagan shaxslarni deputatlikka nomzod etib tasdiqlashdi. Saylov tizimining qay tarzda ishlayotganini ta'riflashga so‘z ojiz.

O‘z tanqidiy fikrlarimni ayta boshlashim bilan esa to‘la yo‘sinda menga bosim o‘tkazilib, tahdid qila boshlashdi», deya yozdi Shahrixon tumani markaziy shifoxonasi diagnostika bo‘limi mudiri Otabek Ahliddinov.

Izohiga  «SOS!» alomati, rasmi va  o‘z telefon raqamlarini ilova qilgan O.Ahliddinov: «Agar yo‘qolib qolsam, hamjamiyatga bu haqda ma'lum qiling», degan tahlikani ham bildirdi.

«Tushunganlar tushundi…»

Lekin oradan ko‘p o‘tmay, 5 noyabr kuni Otabek Ahliddinovning feysbuk sahifasida bu izohga «raddiya» ham paydo bo‘ldi.

Otabek Ahliddinov bu gal izohlar dubl akkauntlar orqali tarqalayotgani va ularga o‘zining aloqasi yo‘qligini ta'kidlab, jumladan, bularni yozdi:

«Men Ekologik partiya a'zosiman, nomzodim ko‘rsatilishi uchun partiyaga ob'ektivkamni berganman, haqiqatdan ham partiya yuqori tashkilotiga nomzodim ko‘rib chiqilishi uchun berilgan, lekin hech kim meni ta'qib qilgani yo‘q va mening hokimiyat va boshqa «tashkilotlarga» e'tirozim yo‘q. Meni har xil fitnalarga qo‘shayotganlar va «tushunganlar tushundi», deb o‘ylayman».

Yana bir qo‘shimcha izohida esa u raddiyani bosim ostida yozganiga ishora qildi: «Yana nima qilishim kerak, raddiya yoz dedilaring, yozdim-ku. Bo‘g‘aversalaring chidamayman».

Yeltuz.com

Tag‘in o‘qing
19 iyul 2016
Rossiya imperiyasi olib borgan ishg‘olchi urushlar natijasida Markaziy Osiyodagi xonliklarga oid ulkan tuproqlar, o‘sha yerlarda yashagan “tuzemets”lar bilan birga ...
24 sentyabr 2020
O‘zbekiston, Sirdaryo viloyati. Ba'zi to‘g‘onlar ming yillab xizmat qiladi. Ammo Sardoba qurilganidan so‘ng atigi uch yil o‘tib, 1 may ...
18 dekabr 2017
«Paxtaga borasan, deyishdi. Agar bormasang, arizangni yoz yoki o‘rningga odam jo‘nat, deyishdi. O‘zimizning ishimiz qolib, bir oydan ko‘p paxta ...
7 iyun 2021
(Shoir va siyosatchi Muhammad Solihning “Imperativ” kitobidan 31-qism. Audiokitob matnini muallifning o‘zi o‘qigan. Davomi bor.) Albatta, bu orzuga erishish ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...