Asosiy mavzular
12 dekabr 2019

Imon Karimova: Onamning ishini qiynoqlarda ayblangan tergovchi olib bormoqda

Gulnora Karimovaning Londonda yashayotgan qizi Imon Karimova Instagram sahifasida onasi ustidan borayotgan tergovga oid yangi ma'lumotni e'lon qildi.

Uning yozishicha, Gulnora Karimovaning jinoyat ishini tergov qilayotgan tergovchi 2018 yili “tergov ishlari”ning birida noqonuniy qiynoqlar va qotillik sodir etgan.  

Buxoro viloyatilik tergovchi Rasul Yo‘ldoshev ayni paytda avvaldan o‘rganib qolgan ish usullari va taktikasi vositada Gulnora Karimovaga har safar bolalarining ismini eslatgan va ochiqdan-ochiq tahdid qilgan holda bosim o‘tkazishga harakat qilmoqda. Avvalroq, 2018 yilda u harbiy sud tomonidan buxorolik tadbirkor Ilhom Ibodovni kaltaklash, qiynoqqa solish va o‘ldirishda ayblangan edi. Tergovchi Rasul Yo‘ldoshev va “hamkasblari”ga qarshi 08/26616-18 raqamli jinoyat ishi qo‘zg‘atilgandi. 

Ta'kidlash kerakki, prezident ushbu voqealardan xabardor edi, ichki ishlar bo‘limi va uning xodimlari tomonidan yo‘l qo‘yilgan qonunbuzarlik faktlari va suratlari haqida shaxsan ma'lum qilgandi va “bu jinoyatlarni  sodir etgan tergovchilarning familiyalari ma'lum ekani»ni bildirgandi. 

Afsuski, adolat qaror topmadi va tergovchi Rasul Yo‘ldoshev hozir nafaqat amalda qotillikda ishtiroki uchun jazosiz qoldi, balki lavozimi oshirilib, O‘zbekiston Bosh prokuraturasining o‘ta muhim ishlar bo‘yicha tergovchisi, podpolkovnik va, shuningdek, adliya maslahatchisi bo‘ldi. U ishlarni o‘zi o‘rgangan tarzda amalga oshirishda davom etadi. Bu esa hukumatga Gulnora Karimovanikidek buyurtma va siyosiy ishlarni yuritishda qulay bo‘lishiga zamin yaratishi ko‘rinib turibdi. Hukumat prezidentning o‘zi noqonuniy xatti-harakatlarda ayblagan bu tergovchiga qarshi qonunda belgilangan qoidalarni qo‘llashi ehtimoli kam. Aksincha, u shunda siyosiy ishlar uchun bir vosita vazifasini o‘taydi va hukumat bu kabi kimsalarni mukofotlashni xush ko‘radi”, deyiladi 9 dekabr kuni Imon Karimova e'lon qilgan ma'lumotda.

Eltuz.com

Tag‘in o‘qing
25 yanvar 2018
Hali O‘zbekiston ahli qalbida Oqto‘bada halok bo‘lgan 52 nafar yurtdoshimizning motami og‘rig‘i susaymay turib, marhumlar sha'nini haqorat qilgan Farg‘ona ...
8 may 2017
3 may – Jahon matbuot erkinligi kuniga bag‘ishlab “Oltin qalam” mukofotlarini topshirish marosimi jurnalistlar va ayrim nashrlar e'tiroziga sabab ...
10 may 2021
Xorazmning Xiva tumanida bir kambag‘al beva ayolning o‘g‘li nomiga olingan 30 million so‘m kredit mahalla raisi va o‘qituvchi doxil ...
15 dekabr 2020
Qishloq xo‘jaligi mutaxassisi, 70 yoshli Ismoil Ospanov «Eltuz» orqali o‘z turkum chiqishlarini davom ettirib, navbatdagi videosini qishloq xo‘jaligidagi ko‘zbo‘yamachilik, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...