• Foto: eurasianet.org
Asosiy mavzular
5 mart 2020

Uyg‘urlar masalasi bo‘yicha tadqiqotchi O‘zbekistonga ikkinchi marta kiritilmadi

Xitoylik uyg‘urlar masalasi bo‘yicha taniqli tadqiqotchi, yozuvchi va tarjimon Yevgeniy Bunin (Gen Bunın) O‘zbekistonga ikkinchi marta kiritilmadi. U bu haqda Eurasianet nashriga xabar berdi.  

Rossiya va AQSh fuqaroligiga ega bo‘lgan Bunin bu safar O‘zbekistonga AQSh pasporti bilan kirishga uringan va 30 kunlik viza olgan. Biroq u 1 mart kuni Qozog‘iston chegarasida O‘zbekistonga o‘tish chog‘ida to‘xtatilgan. 

Bunin birinchi marta 2019 yil noyabr oyida O‘zbekistonga Rossiya pasporti bilan vizasiz kirmoqchi bo‘lgandi. Biroq harakati muvaffaqiyatsiz yakun topgandi. 

O‘zbek chegarachilari tadqiqotchiga har ikki holatda mamlakatga kirish sababini tushuntirmagan, faqat ushbu masalani aniqlashtirish uchun Tashqi ishlar vazirligiga murojaat qilishni maslahat bergan. 

Bunin oxirgi marta 2018 yil qish faslida O‘zbekistonga borgan va Buxoroga tashrif buyurgandi. 

Tadqiqotchi o‘ziga nisbatan qo‘yilgan taqiqni so‘nggi uch yil ichida qatag‘onlar bo‘yicha olib borgan tadqiqotlari va Shinjondagi Xinjiang Victims Database (Shinjonda Xitoy siyosati qurbonlari, ularning qarindoshlari va yo‘qolib qolganlar to‘g‘risidagi ma'lumotlar bazasi) loyihasi doirasidagi faoliyati bilan bog‘laydi. 

Mazkur ma'lumotlar bazasida 8 ming qurbon to‘g‘risida ma'lumotlar mavjud. 

Tadqiqotchining taxminicha, Pekin bilan yaxshi aloqa o‘rnatgan hamda Xitoy investitsiyasidan manfaatdor bo‘lgan rasmiy Toshkent uning faoliyati davlatlararo aloqalarga salbiy ta'sir ko‘rsatishidan cho‘chigan. 

So‘nggi bir necha yil ichida Xitoyning shimoli-g‘arbiy qismida joylashgan Shinjon-Uyg‘ur muxtor tumanida odamlarni diniy (islom diniga sodiqlik) va etnik kelib chiqishi uchun ta'qib qilish kuchaygan. 

Bunday ta'qiblar uyg‘urlar (mintaqadagi eng katta etnik guruh), shuningdek, «qayta tarbiyalash» jamloqlariga yuborilgan qozoq va qirg‘izlarga Human Rights Watch ma'lumotlariga ko‘ra, jamloqlarda saqlanayotgan kishilar soni bir millionga yaqin) qaratilgan.

Eltuz.com

Tag‘in o‘qing
21 mart 2024
Prussiya qiroli Fridrix Vilgelm I ning “urush urush bilan, ammo tushlikni vaqtida qilish kerak”, degan iborasi mashhur. Olmon qiroli agar askar vaqtida ovqatini emasa, undan yaxshi askar chiqmasligini qasd etgan. Ikkinchi tomondan, ovqatni vaqtida egan askar albatta yaxshi urushadi, deganimas. Masalan, o‘zbek mulozimlarining ko‘pchiligi – ...
5 sentyabr 2017
5 sentyabrdan O‘zbekistonda konvertatsiya e'lon qilinib, AQSh dollari erkin savdoga chiqarildi. Eltuz nashri muxbiri Toshkentdagi bir qancha shoxobchalarda valyuta ...
8 aprel 2023
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz darajada ko‘tarib yuborgan Qurmonbek ...
10 avgust 2021
IShIDning Suriyadagi lagerlarda saqlanayotgan ayol a'zolari uchun iyul oyida rus tilidagi yopiq telegram chatda quyidagi e'lon berildi: “O‘zbekistonlik opa-singillar, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...