• Фото: eurasianet.org
Асосий мавзулар
5 март 2020

Уйғурлар масаласи бўйича тадқиқотчи Ўзбекистонга иккинчи марта киритилмади

Хитойлик уйғурлар масаласи бўйича таниқли тадқиқотчи, ёзувчи ва таржимон Евгений Бунин (Gen Bunın) Ўзбекистонга иккинчи марта киритилмади. У бу ҳақда Eurasianet нашрига хабар берди.  

Россия ва АҚШ фуқаролигига эга бўлган Бунин бу сафар Ўзбекистонга АҚШ паспорти билан киришга уринган ва 30 кунлик виза олган. Бироқ у 1 март куни Қозоғистон чегарасида Ўзбекистонга ўтиш чоғида тўхтатилган. 

Бунин биринчи марта 2019 йил ноябрь ойида Ўзбекистонга Россия паспорти билан визасиз кирмоқчи бўлганди. Бироқ ҳаракати муваффақиятсиз якун топганди. 

Ўзбек чегарачилари тадқиқотчига ҳар икки ҳолатда мамлакатга кириш сабабини тушунтирмаган, фақат ушбу масалани аниқлаштириш учун Ташқи ишлар вазирлигига мурожаат қилишни маслаҳат берган. 

Бунин охирги марта 2018 йил қиш фаслида Ўзбекистонга борган ва Бухорога ташриф буюрганди. 

Тадқиқотчи ўзига нисбатан қўйилган тақиқни сўнгги уч йил ичида қатағонлар бўйича олиб борган тадқиқотлари ва Шинжондаги Xinjiang Victims Database (Шинжонда Хитой сиёсати қурбонлари, уларнинг қариндошлари ва йўқолиб қолганлар тўғрисидаги маълумотлар базаси) лойиҳаси доирасидаги фаолияти билан боғлайди. 

Мазкур маълумотлар базасида 8 минг қурбон тўғрисида маълумотлар мавжуд. 

Тадқиқотчининг тахминича, Пекин билан яхши алоқа ўрнатган ҳамда Хитой инвестициясидан манфаатдор бўлган расмий Тошкент унинг фаолияти давлатлараро алоқаларга салбий таъсир кўрсатишидан чўчиган. 

Сўнгги бир неча йил ичида Хитойнинг шимоли-ғарбий қисмида жойлашган Шинжон-Уйғур мухтор туманида одамларни диний (ислом динига содиқлик) ва этник келиб чиқиши учун таъқиб қилиш кучайган. 

Бундай таъқиблар уйғурлар (минтақадаги энг катта этник гуруҳ), шунингдек, «қайта тарбиялаш» жамлоқларига юборилган қозоқ ва қирғизларга Human Rights Watch маълумотларига кўра, жамлоқларда сақланаётган кишилар сони бир миллионга яқин) қаратилган.

Eltuz.com

Тағин ўқинг
11 сентябр 2017
Ўзбекистон президенти Шавкат Мирзиёевнинг халқни товуқбоқар қилиш ташаббуси олға сурилганига ҳам бир жўжанинг тухум қилиш ёшига етишидан кўра кўпроқ ...
29 июн 2017
28 июн куни Брюсселдаги йиғилишда Маркази Берлинда жойлашган «Ўзбекистон Германия форуми» ва Халқаро Human Rights Watch ташкилоти пахта соҳасидаги ...
6 сентябр 2017
5 сентябрда Ўзбекистонда конвертация очилиши билан, ҳорижий валюта фақат конверсион карточкаларга ўтказиш орқали сотилиши маълум бўлди. Гарчи расман Ўзбекистон ...
9 июн 2016
Ўзбекистонда энг «беозор» мавзу ҳисобланадиган ҳисобланадиган спорт хабарларини ёритувчи оммавий ахборот воситалари ҳам бирин кетин тақиққа учрамоқда. Футбол мутасаддилари ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...