Asosiy mavzular
8 yanvar 2021

Olimpiadaga ketayotgan shogird va ustoz Qoraqarg‘a dovonida o‘ldi

Navoiyda fan olimpiadasiga borishda avtohalokatga uchragan o‘quvchi va o‘qituvchi 7 yanvar kunida ham jonlantirish bo‘limida qolmoqda. Ular 5 yanvar kuni avariyaga uchragan edi.

O‘sha kuni nurotalik o‘quvchi va o‘qituvchilarni olib yo‘lga chiqqan “Neksiya” rusumli taksi yo‘lda halokatga uchrashi oqibatida bir o‘qituvchi va bir o‘quvchi voqea joyida halok bo‘lgan edi.

Mashinada bo‘lgan yana bir o‘qituvchi va o‘quvchi shifoxonaning jonlantirish bo‘limiga yotqizilgan, haydovchining ham ahvoli yaxshi emas.

Navoiy viloyati xalq ta'limi boshqarmasi matbuot xizmati shifoxonadagi o‘quvchi va o‘qituvchi holidan xabar olib turilganini, olimpiada qoldirilgani, issiq kunda o‘tkazilishi mo‘ljallanganini ma'lum qildi.

Aytilishicha, haydovchi Qoraqarg‘a dovonidan o‘tayotganda tezlikni oshirgani sababli mashina yo‘ldan chiqib ketgani oqibatida o‘lgan kimyo fani o‘qituvchisi 27 yoshda, o‘quvchi esa 18 yoshda bo‘lgan.

– Har yili ob-havo noqulay kelgan vaqtda dovon yo‘li yopilardi, – deydi voqeani izohlagan Navoiy viloyati IIB YXHB xodimi. – Bu yil Yangi yil bayrami sababli ob-havo yomon kelsa ham dovon yopilmadi. Avtomashinalar esa uzoq, aylanma xavfsiz yo‘ldan yurmagani natijasida shu halokat ro‘y bergan. 

Nurota tumani xalq ta'limi bo‘limi mudiri Bayramali Bobomirzoning aytishicha, vafot etgan qiz tumandagi 2-maktabning a'lochi o‘quvchilaridan biri bo‘lgan. 27 yoshli kimyo o‘qituvchisi ham shu maktabda 4 yildan buyon dars berib kelgan.

“Eltuz” muxbirining o‘quvchilar fan olimpiadasiga boshqarma tomonidan nazoratga olinib olib borilmaydimi, degan savoliga bo‘lim mudiri “Shunday qilish esga kelmabdi”, deya javob berdi.

Viloyat xalq ta'limi boshqarmasi boshlig‘i o‘rinbosari Dilshod Qodirov maktab o‘qituvchilari va direktorining bu avtohalokatda aybi yo‘qligi, ularga o‘quvchilarni taksida olib borish ko‘rsatmasi tuman xalq ta'limi bo‘limi mudiri tomonidan berilganini ma'lum qildi va mudirga chora ko‘rilishi ehtimoli borligini bildirdi.

Tuman xalq ta'limi bo‘limi mudiri “Eltuz” bilan suhbatda o‘quvchilar Nurotaga qaytarib olib kelingani, o‘zi esa shifoxonada yotgan jabrlanuvchilar oldiga qatnash bilan ovvora ekanini aytdi.

Tag‘in o‘qing
17 mart 2020
2017 yilning 17 mart kuni O‘zbekistonga 1983 yildan 1988 yilgacha rahbar bo‘lgan Inomjon Buzrukxo‘jaevich Usmonxo‘jaev 87 yoshida vafot etdi. ...
9 may 2016
«Milliy tiklanish» gazetasi O‘zbekiston prezidentining 9 may – Xotira va qadrlash kuni munosabati bilan Xotira maydonida OAV vakillariga bergan ...
14 mart 2022
O‘zbekistondagi jinoyat olami qiroli Baxti Tashkentskiy nomi bilan mashhur Baxtiyor Qudratullaevning 28 yashar o‘g‘li Ixtiyor Toshkentning qoq markazida qimmatbaho ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...