Asosiy mavzular
4 aprel 2021

“Erk” partiyasi Xidirnazar Allaqulovga qilinayotgan tazyiqlarni qoraladi

O‘zbekiston tarixida ilk ro‘yxatga olingan muxolifatdagi «Erk» demokratik partiyasi Xidirnazar Allaqulov rahbarligida ta'sis etilgan yangi sotsial-demokratik partiyaga qarshi tazyiq va bosimlarni qoralab chiqdi.

O‘zbekiston «Erk» demokratik partiyasi bosh kotibi vazifasini bajaruvchi Baxtiyor Isobek joriy yilning 3 aprel kuni imzolagan bildirishda “yangi qurilayotgan partiyalar ro‘yxatga olinmayotgani, ularga qarshi zo‘ravonlik ishlatilib, konstitutsion huquqlari toptalayotgani” ta'kidlanadi.

“Erk” partiyasi yangi ta'sis etilgan sotsial-demokratik partiyaga qarshi hukumat tarafidan bo‘layotgan jirkanch tazyiqlarni keskin qoralaydi va bu tashkilotdagi vatanini sevgan insonlar bilan birdamligini bildiradi”, deyiladi bayonotda.

Bildirish matnida “Erk” partiyasi ham 2021 yilgi prezident saylovida ishtirok etajagi aytilgan: “Bu og‘ir siyosiy vaziyatda «Erk» partiyasi o‘z xalqi bilan hamdarddir. Shu maqsadda yaqinlashib kelayotgan prezident saylovida «Erk» partiyasi o‘z nomzodi bilan qatnashish rejasini tuzmoqda».

Bildirish matnida ta'kidlanishicha, sobiq xonanda Jahongir Otajonov “Erk” partiyasiga a'zo bo‘lib, saylovda qatnashish istagini bildirgan:

“Hozirda partiya markaziy kengashi nomiga nomzodlik istagi bilan kelgan arizalar ichida so‘nggi oylarda o‘zining siyosiy bayonotlari bilan diqqat qozongan xonanda Jahongir Otajon ham bor. Bir necha kun ichida «Erk» partiyasi prezident saylovida o‘z nomzodini e'lon qiladi”.

O‘zbekistonda 80-yillar oxirida «Birlik» xalq harakati, «Erk» demokratik partiyasi kabi muxolif siyosiy tashkilotlar o‘rtaga chiqqandi. 1990 yilning 30 aprelida mustaqil O‘zbekiston tarixidagi ilk demokratik partiya – “Erk”ning ta'sis qurultoyi bo‘lib o‘tgan edi.

1992 yilgi prezident saylovida «Erk» partiyasi raisi Muhammad Solih prezidentlikka nomzod sifatida 12 foiz ovoz olgani rasman aytilgandi. Ammo ayni saylovda hukumat mulozimi sifatida ishlagan Sharof Ubaydullaev 2021 yilda «Ozodlik» radiosi orqali chiqish qilib, Muhammad Solihning saylovda yutgani, ammo saylov natijalari Karimov foydasiga soxtalashtirilganii aytgan edi. 1992 yilgi saylovdan keyin muxolifat liderlari birin-ketin xorijga ketishga majbur bo‘lgandi.

eltuz.com

Tag‘in o‘qing
18 yanvar 2018
18 yanvar kuni Samara-Chimkent avtoyo‘lida yonib ketgan eski «Ikarus» avtobusida 52 nafar o‘zbekistonlikning halok bo‘lishi ijtimoiy tarmoqning o‘zbek segmentida ...
18 fevral 2017
«Oila va jamiyat» gazetasi (15.02) bugun o‘zbek jamiyatining og‘riqli nuqtasi – ayollarning xorijga chiqib ketayotgani masalasiga bag‘ishlangan maqola chop ...
27 fevral 2021
26 fevral kuni tuzilajak «Haqiqat va taraqqiyot» sotsial- demokratik partiyasi tashabbuskori, iqtisod fanlari doktori Xidirnazar Allaqulov uyidan kuch ishlatar ...
26 mart 2019
O‘zbekiston Ichki ishlar vazirligi joriy qilgan IIV xodimlarining yangi formalari eskisidan tubdan farq qiladi. Aksariyat atributlari kulrangda bo‘lgan militsiyaning ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...