Asosiy mavzular
30 oktyabr 2021

Yulduz Usmonova sudda yutqazdi. U shoirga 185 million to‘lashi kerak

29 oktyabr kuni Toshkent shahri Mirzo Ulug‘bek tumanlararo fuqarolik sudida shoir Yo‘lchi Ro‘zievning O‘zbekiston xalq artisti Yulduz Yusmonovaga qarshi da'vo arizasi yuzasidan sudning yakuniy majlisi bo‘lib o‘tdi. 

Bu gal ham sud xonanda ishtirokisiz o‘tdi. Yo‘lchi Ro‘zievning “Xasta bo‘lma” she'ri muallifligi bo‘yicha da'vo arizasida ko‘rsatilgan va'jlar tomonlarning ishonchli vakillari ishtirokida muhokama qilindi.

Sudda da'vo arizasi qisman qanoatlantirilib, Yulduz Usmonovadan shoir Yo‘lchi Ro‘ziev foydasiga yetkazilgan ma'naviy zarar uchun 50 million so‘m hamda BHMning 500 baravari miqdorida mablag‘ undirish to‘g‘risida qaror qabul qilindi. 

Sud qaroridan norozi bo‘lgan tomon 10 kun ichida apellyatsiya shikoyati bilan murojaat qilishi mumkin.

Yo‘lchi Ro‘ziev va uning advokati Ravshan Mardievning “Eltuz”ga ma'lum qilishicha, o‘tgan hafta davomida javobgar tomonidan o‘zaro kelishib olish uchun shoirga 30 million so‘m miqdorida pul taklif qilingan. Shoir buni rad etgan va hukmni sud ixtiyoriga qoldirgan.

Shoir Yo‘lchi Ro‘ziev suddan ikki she'rini qo‘shiq qilib kuylagan Yulduz Usmonovadan qalam haqini undirib berishni so‘ragandi. 

Shoirning so‘zlariga ko‘ra, bundan bir necha yil avval qo‘shiq qilingan she'rlari uchun xonandaning ma'murlari uning nomidan qalam haqi va'da qilgan. Ammo va'da va'daligicha qolib ketgan. 

Yaqinda esa Yulduz Usmonova ijtimoiy tarmoq orqali mazkur sudlashuvga oid holatga shaxsiy munosabatini bildirib, shoir Yo‘lchi Ro‘zievga “Axlatiy” deya ta'rif bergandi.

Eltuz.com

Tag‘in o‘qing
6 iyun 2019
Andijon viloyati hokimi o‘tkazgan matbuot anjumanida mahalliy televidenie rahbari xorij ommaviy axborot vositalarini “umumiy dushmanimiz”, deb atadi. Shu kunlarda ...
10 iyun 2019
“Hoziroq bergan savolimga javob bering, bo‘lmasa boshingiz izolyatordan chiqmay qoladi. Tushuntiroldimmi, okam? – Qaysi savolingizga javob beray, o‘rtoq boshliq? – Muhammad ...
8 mart 2021
Klara Tsetkin xotin-qizlar huquqlarini himoya qilish bo‘yicha faol kurashchi edi. Uning ismi Xalqaro xotin-qizlar kunini nishonlash bilan uzviy bog‘liqdir. ...
2 may 2018
O‘zbek sport sharhlovchilariga MTRK rahbariyati tomonidan 2 may kungi futbol translyatsiyasida «Liverpul» jamoasi o‘yinchisi Muhammad Saloh nomini tilga olmaslik ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...