Asosiy mavzular
9 fevral 2022

Toshkentlik faol ruhiy shifoxonada saqlanayotgan Valijon Kalonov bilan gaplashishga muvaffaq bo‘ldi

2021 yil 3 fevral kuni toshkentlik faol Aleksey Garshin Samarqand shahri yaqinidagi ruhiy kasalliklar shifoxonasining yopiq bo‘limida majburiy davolanayotgan jizzaxlik faol Valijon Kalonov bilan uchrashishga harakat qildi.

Biroq Garshinga Kalonov bilan uchrashuv shifoxona rahbariyati ruxsat bergan taqdirdagina amalga oshishi mumkinligi bildirildi.

Bosh shifokor o‘rinbosari bemor Kalonov qat'iy rejimli bo‘limda saqlanayotgani uchun, u bilan ko‘rishish faqat uning yaqin qarindoshlarigagina ruxsat etilishini bildirib, Garshinning savollariga javoban “Idi k chyortu! Siz bizga halaqit berayapsiz” deya kabinetidan haydab chiqargan.

Hovliga chiqqan Garshin temir panjarali ochiq deraza ortidan Kalonov bilan qisqa suhbatlashishga muvaffaq bo‘lgan.

Valijon uni noqonuniy ushlab turishgani, prezidentga tuhmat qilmagani, Xitoydagi uyg‘urlarning ayanchli ahvoli haqida aytganlarining hammasi haqiqat ekani, chunki Valijonning Gulja shahridagi amakisi hozir Xitoy qamoqxonasida saqlanayotganini bildirgan.

“BMTga arz qilinglar, men yolg‘on ma'lumot tarqatganim yo‘q. Xitoyda hamma turkiylarni qamashmoqda, o‘ldirishmoqda, mening amakim ham Xitoyda qamoqda, Xitoy haqida aytganlarimning hammasi rost, uyg‘urlar ozod bo‘lishini istayman, prezidentni haqorat qilganim yo‘q. Prezident Mirziyoev ketguncha shu yerda 10 yil qolsam kerak. Meni bu yerda o‘ldirishlari mumkin”, — degan panjara orkasida turgan Kalonov.

2021 yil 23 dekabr Jinoyat ishlari bo‘yicha Jizzax shahri sudi internetda O‘zbekiston rahbariyati va Xitoyning uyg‘urlarga qarshi siyosatini keskin tanqid qilishi bilan tanilgan Valijon Kalonovni ruhiy kasalliklar shifoxonasida majburan davolash to‘g‘risida ajrim chiqardi. 

Kalonov 2021 yil avgustda xibsga olinib, prezidentni haqorat qilish va Ommaviy tartibsizliklarga da'vat qilish jinoyatlarda ayblangan.

Ammo jinoyat ishi, Kalonovning “ijtimoiy xavfli qilmishni aqli noraso holatda sodir etgan” deya topilishi ortidan yopilgan.  

Eltuz.com 

Tag‘in o‘qing
8 dekabr 2016
Ayni paytda Bosh vazir o‘rinbosari Rustam Azimovning 22-noyabrdagi “Plastik karta orqali hisob-kitob qilishda naqd pulga nisbatan 20-25 foizga qimmat ...
28 iyul 2017
Shu yilning 26 martida Toshkentning «Grand-kafe» yemakxonasida sodir bo‘lgan bu voqeada jamiyatdagi shafqatsizlik, hokimiyat amaldorlarining aybdorlarni jazodan qutqarishga urinishlari ...
11 yanvar 2018
1 yanvardan Toshkent shahrining davlat byudjetidan mablag‘ bilan ta'minlanadigan bolalar bog‘chalarida to‘lov narxlari 24,3 foizgacha qimmatladi. Davlat byudjetidagi maktabgacha ...
6 aprel 2018
Toshkent shahri bosh imom-xatibi 60 yoshli Anvar Tursunov xalq orasida 16-gorbolnitsa deb aytiladigan Shoshilinch tibbiy yordam ko‘rsatish respublika ilmiy ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...