Document UZ
6 aprel 2018

Ochiq tenderlar bekor qilinib, qurilish ob'ektlari hokimliklar qo‘liga o‘tdi

Prezident Shavkat Mirziyoevning moliya tizimi va tender «o‘yinlar»ini tanqid qilgani ortidan O‘zbekistonda ochiq tender savdolari bekor qilindi va davlat ob'ektlari qurilishiga pudratchilarni tanlash viloyat hokimliklari vakolatiga o‘tdi.

Bu haqda «Eltuz»ga yangi tartibdan xabardor qurilish pudratchisi xabar berdi va jurnalistik surishtiruv natijasida olingan rasmiy hujjatlar bo‘yicha ham mavjud faktlar tasdiqlandi.

«Eltuz» o‘rgangan ma'lumotlarga ko‘ra, shu yilning 14 martida O‘zbekiston Davlat arxitektura va qurilish qo‘mitasining №1927/10-04 sonli xatiga asosan, smeta qiymati 10 mlrd. so‘mgacha bo‘lgan uy-joylar va ijtimoiy soha ob'ektlari qurilishi bo‘yicha ochiq tender savdolari bekor qilingan va pudratchilar faqatgina hokimliklar tomonidan tavsiya etilgan qurilish tashkilotlari orasidan tanlab olinadi.

Ushbu holat bo‘yicha qo‘mitaning 11 banddan iborat nizomi ham foydalanish uchun qabul qilingan. Mazkur nizom hamda hokimliklar va idoralarga jo‘natilgan xatlar nusxasi «Eltuz»da mavjud.

Yangi tartibdan xabardor o‘zbekistonlik quruvchilardan biri ham «Eltuz» muxbiriga bergan suhbatida bu holatni tasdiqladi.

«Hokimliklar ochiq tenderlarsiz, o‘zlari quruvchilarni tavsiya qilib, o‘zlari tanlashmoqda, bu esa bozor sharoitida tadbirkorlar uchun yagona raqobat muhitining buzilishiga, qolaversa, mahalliychilik va tanish-bilishchilikning yanada rivojlanishiga olib kelishi mumkin. Umumiy aytganda, bu holat oldin ham mavjud bo‘lgan korruptsiyaning legallashganidir», – deb fikr bildirdi u.

Umid Erkin
Eltuz.com

Tag‘in o‘qing
14 dekabr 2020
Toshkentdagi COVID-19ga chalinganlar uchun maxsus qurilgan Zangiota-2 shifoxonasidagi kasallar yarmiga qisqargani aytilmoqda. «Bemorlar kamaygani» sababidan shifoxona xodimlarining oyligi kamaytirilgan. ...
4 yanvar 2016
Qudrat Bobojon Eltuz.com Eltuz manbalariga ko‘ra janozada ortiqcha gap so‘z bo‘lmasligini MXX zobitlari maxsus nazorat qilgan. O‘z TV diktori ...
1 fevral 2016
Davlatning bir yarim milliard so‘m puliga olingan «Baron» filmi qora bozorga chiqib ketdi. Oldingi «Sotqin» filmi bilan ham huddi ...
14 sentyabr 2016
O‘zbekistonda Konstitutsiya toptaldi – yana bir bor uning arzimas qog‘ozlar tahlami ekaniga ishora berildi. Ayni holatni aks ettirgan rassom ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...