Document UZ
21 sentyabr 2018

Tadbirkor Jahongir Umarov sud zalidan ozod etildi

“Integral Invest” shirkati rahbari, 18 oy hibsda qolgan yirik tadbirkor 51 yoshli Jahongir Umarov kassatsiya shikoyatidan so‘ng 15 sentyabrda sud zalidan ozod etildi.

Jahongir Umarov Toshkentning Olmazor tumani sudi tomonidan 25 avgust kuni narkotik (opium) saqlash va tarqatishda ayblangan hamda besh yil muddtaga qamoq jazosiga hukm qilingan edi.

Ilgari sudlanuvchining ayoli Nigora Umarovaning «Eltuz» nashriga bergan intervyusida erini bir yil burun yoniga narkotik tashlab qo‘lga olishganini aytgan edi.

Shuningdek, u erining bo‘yniga ayb qo‘yish uchun tergovda urib qiynashgani, qovurg‘alarini sindirishgani va go‘yoki ukol bilan S gepatiti virusini yuqtirishganini bildirgandi.

Shu yilning martida Umarovning advokati sudga audioyozuv taqdim etdi, unda Toshkent IIBB katta tezkor xodimi Fathiddin Nuritdinov opium moddasi tintuv payti tadbirkorning kabinetiga tashlanganini e'tirof etadi.

Jahongir Umarovning bildirishicha, narkotik moddalar uning biznesini tortib olish uchun tashlangan.

«Hamma yerda yotgan bo‘lgan. Moment, sekundda urib tashlaganman. Daje ular (sheriklari) ko‘rmagan, shunaqangi tez bo‘lganki, hech kim ko‘rmagan», deydi Nuriddinov audioyozuvda.

20 sentyabr kuni Jahongir Umarovning ozod etilgani haqida xabar tarqatgan huquq faoli Yelena Urlaeva uning endilikda reabilitatsiya uchun harakat qilish niyatida ekanligini, shuningdek, uni ozod qilish talabi bilan ommaviy aktsiyalarga chiqqan va unga yordam bergan huquq himoyachilaridan minnatdor ekanini bildiradi.

Eltuz.com

Tag‘in o‘qing
2 aprel 2016
Bu albatta bir xazil maktub, masalaning jiddiy tomoni, «VimpelCom” chindan ham feyk-hisobotlar uchun Gibraltarda ro‘yxatga olingan Gulnora Karimovaning bank ...
13 avgust 2018
2000 yilning 13 iyunida Muhammad Bekjon Jasliq turmasidan Toshkentga etap qilinadi. Lekin hali ozodlikka chiqishga 18 yil bor… Eltuz ...
16 noyabr 2016
O‘zbekistonlik 31 yashar yigit firibgarlikda ayblanib AQSh tarafidan xalqaro qidiruvga berildi. 2000 yilda Green Card yutib AQShda istiqomat qila ...
10 may 2018
Eramizdan oldingi VI-V asrlarda yashab o‘tgan, «Dao De Tszin» asarini yozgan qadimgi xitoy faylasufi Lao Tszi so‘zlari 9 mayni ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...