Tazarru olovida toblanmagan el

Bu baxslar NKVD- KGB propagandasi yaratgan zaharli zaminda o‘sgan mutant daraxtlar mevasi kabi tuyuldi menga.
Mamlakatda na Chor mustamlakachilariga sotilganlar yoki bu mustamlakaning daxshatli davomi bo‘lgan Sovet rejmiga hizmat qilganlar qoralanmadi.
Rus armiyasiga Toshkent eshiklarini ochgan ta'magir mullalar haqida gapirilmaydi.
Qo‘qonda Turkiston muxtoriyatini tugatib qatli om qilgan dashnoqlar haqida birov gapirsa ta'na dashnom ostida qoladi.
1937 yil Stalin qatag‘onlarining O‘zbekistondagi ma'naviy haybarakallachilari bo‘lgan G‘afur G‘ulom¸ Hamid Olimjon¸ Uyg‘un¸ Izzat Sulton¸ Adulla Qaxxor (Bu ro‘yxatni yana davom ettirish mumkin) qilgan jinoyatlar haqida sukunat bor.
Stalin qatag‘onlarini O‘zbekistonda amalga oshirgan Usmon Yusupov haqida ham jim jitlik.
Boz ustiga ularga haykallar qo‘yilgan. Rus mustamlakasini ulug‘lab kitob yozganlar ham izzat hurmatda oshini oshab yoshini yashab yuribdi.
Kecha ishdan olingan Bosh Prokuror Rashid Qodirov Sovet KGB sida tergovchi bo‘lib ishlagan. U nafaqat o‘g‘ri balki Rossiya FSBsi josusi bo‘lgani ehtimoli yuqori.
Zotan mamlakatda lyustartsiya bo‘lmadi¸ oldingi rejim yugurdaklari qatron qilinmadi.
Shu bois Andijonda odamlarni qirgan qotil Zokir Almatov ham yuribdi ertalabki oshlarning fahriy generali bo‘lib.

Shuhrat Bobojon,
Eltuz.com