Ko‘zqarash
31 oktyabr 2015

Soxtakor qochqinlar

O‘tgan yili shu paytlarda ukrainalik qochqinlar ko‘p edi. Hujjat ishlarim sabab tegishli tashkilotlarga borib turaman. Ko‘p yillardan buyon qatnayvergach ko‘z pishib ketarkan, bir chetda kuzatib o‘tiraman. Turfa odamlar, turfa taqdirlar…

Mana, menga ikkita keladigan erkak kishi ikki yashar bolasini ko‘targancha o‘zini navbatga uradi. Maqsadi navbatsiz ishini bitirish, odamlarda insof bor, benavbat o‘tkazib yuborishadi emizikli erkakni.

Ishi bitgach bolani yerga qo‘yadi yoki onasiga beradi. Balki bolani onasi ko‘tarib tursa ham bo‘lardi deb o‘ylagandirsiz? Yo‘q, barchasi hisobga olingan bu yerda, olomonni ichida past bo‘yli ayol bola ko‘tarib tursa ham odamlar sezmasligi mumkin, baland bo‘yli erkak esa qo‘lidagi bolasi bilan barchani, eng muhimi qabul qilayotan mas'ulning e'tiboriga tezroq tushadi.

Yana mening e'tiborimni tortgan narsa boshpana so‘rab murojaat qilayotgan suriyaliklarning aksariyati ko‘pdan buyon Rossiyada yashayotganlar ekanligi.

Aslida bular qochqinlar emas, ko‘p yillardan buyon Rossiyada yashashadi, ba'zilarining biznesi bor bu yerda, puldor odamlar. Undaylar yurtdoshlari boshiga kulfat kelib qaerga qochishni bilmay turgan paytda ularga qo‘ldan kelgancha yordam berish o‘rniga o‘shalarning nomini sotib maqsadga erishmoqchi.

Bechora qochqinlar esa bulardek til bilmaydi, yo‘l-yo‘riq bilmaydi, boshini qayga urishni bilmay yurishibdi.

Bundan o‘n yil avval Andijon voqealari sabab o‘zbek qochqinlariga e'tibor kuchaygandi, o‘sha paytda chet elga ishlash maqsadida chiqmoqchi bo‘lgan «uchar»lar andijonlik bechoralarning nomini sotib G‘arbdan boshpanalik bo‘lib olishganini eslayman.

Eh-he, endi buyog‘ini so‘rasangiz nafaqat o‘zimizning «uchar»lar, qo‘shni mamlakat fuqarolari ham «Andijonlik jabrdiyda» niqobi ostida G‘arbga ketganini eshitganman. O‘zganing boshidagi kulfatdan o‘z manfaati yo‘lida foydalanuvchi insonlar…

Mana men ko‘rgan suriyaliklar ham ruschani ruslardek gaplashadi, Rossiya sharoitlariga allaqachonlar ko‘nikib bo‘lgan, deyarli rossiyalik insonlar. Suriyalik qochqinlar haqqiga xiyonat qilayotgan vijdonsiz insonlar…

Bilmadim Yevropada ahvol qanaqaligini, Rossiyadagi suriyalik qochqinlarning ko‘plari soxtakorlardir.

Akmal Nabiev
Eltuz.com

Tag‘in o‘qing
6 iyul 2016
30 yashar O‘zbekiston vatandoshi Munisa Oyxo‘jaeva Turkiyaga kelguniga qadar 128 kilo tosh bosgan edi. Semizlikni hastalik deb bilgan Munisa ...
28 fevral 2018
O‘zbekiston Milliy xavfsizlik xizmati sobiq raisi, qo‘li uzun Rustam Inoyatovning o‘g‘liga tegishli ko‘chmas mulklar haqida Open Source Investigations (OSI) ...
20 may 2016
Farg‘onalik M.ismli ayol 1-sinfda o‘qiydigan qizchasini maktabga jo‘natdiyu, Xalq ta'limi vazirligining “Ishonch telefoni”ga qo‘ng‘iroq qilish uchun qo‘liga telefon oldi. ...
15 dekabr 2015
Bugun Ostersund tuman sudi Obid Nazarovga suiqasdda ayblangan toshkentlik yollanma qotil Yuriy Jukovskiyni 18 yilga ozodlikdan mahrum qilish haqida ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...