Кўзқараш
31 октябр 2015

Сохтакор қочқинлар

Ўтган йили шу пайтларда украиналик қочқинлар кўп эди. Ҳужжат ишларим сабаб тегишли ташкилотларга бориб тураман. Кўп йиллардан буён қатнайвергач кўз пишиб кетаркан, бир четда кузатиб ўтираман. Турфа одамлар, турфа тақдирлар…

Мана, менга иккита келадиган эркак киши икки яшар боласини кўтарганча ўзини навбатга уради. Мақсади навбатсиз ишини битириш, одамларда инсоф бор, бенавбат ўтказиб юборишади эмизикли эркакни.

Иши битгач болани ерга қўяди ёки онасига беради. Балки болани онаси кўтариб турса ҳам бўларди деб ўйлагандирсиз? Йўқ, барчаси ҳисобга олинган бу ерда, оломонни ичида паст бўйли аёл бола кўтариб турса ҳам одамлар сезмаслиги мумкин, баланд бўйли эркак эса қўлидаги боласи билан барчани, энг муҳими қабул қилаётан масъулнинг эътиборига тезроқ тушади.

Яна менинг эътиборимни тортган нарса бошпана сўраб мурожаат қилаётган сурияликларнинг аксарияти кўпдан буён Россияда яшаётганлар эканлиги.

Аслида булар қочқинлар эмас, кўп йиллардан буён Россияда яшашади, баъзиларининг бизнеси бор бу ерда, пулдор одамлар. Ундайлар юртдошлари бошига кулфат келиб қаерга қочишни билмай турган пайтда уларга қўлдан келганча ёрдам бериш ўрнига ўшаларнинг номини сотиб мақсадга эришмоқчи.

Бечора қочқинлар эса булардек тил билмайди, йўл-йўриқ билмайди, бошини қайга уришни билмай юришибди.

Бундан ўн йил аввал Андижон воқеалари сабаб ўзбек қочқинларига эътибор кучайганди, ўша пайтда чет элга ишлаш мақсадида чиқмоқчи бўлган «учар»лар андижонлик бечораларнинг номини сотиб Ғарбдан бошпаналик бўлиб олишганини эслайман.

Эҳ-ҳе, энди буёғини сўрасангиз нафақат ўзимизнинг «учар»лар, қўшни мамлакат фуқаролари ҳам «Андижонлик жабрдийда» ниқоби остида Ғарбга кетганини эшитганман. Ўзганинг бошидаги кулфатдан ўз манфаати йўлида фойдаланувчи инсонлар…

Мана мен кўрган сурияликлар ҳам русчани руслардек гаплашади, Россия шароитларига аллақачонлар кўникиб бўлган, деярли россиялик инсонлар. Суриялик қочқинлар ҳаққига хиёнат қилаётган виждонсиз инсонлар…

Билмадим Европада аҳвол қанақалигини, Россиядаги суриялик қочқинларнинг кўплари сохтакорлардир.

Акмал Набиев
Eltuz.com

Тағин ўқинг
4 май 2021
(Шоир ва сиёсатчи Муҳаммад Солиҳнинг “Императив” китобининг 24-қисми. Матннинг аудиоверсиясини муаллифнинг ўзи ўқиган. Аудиокитобнинг боши ва олдинги қисмлари “Элтуз”нинг ...
2 июн 2017
Қоидалар Россия президентининг «2017-йилги ФИФА Конфедерациялар кубоги ўтказиш даврида кучайтирилган хавфсизлик чоралари» ҳақидаги 202-сон фармони билан боғлиқ. Ҳавфсизлик чораларига ...
2 август 2021
Таниқли ўзбек рассоми Раҳим Аҳмедов тирик бўлганида 100 ёшга кирган бўлар эди. Раҳим ака нафақат ижоди балки турли қарашдаги ...
5 март 2021
Қарғалган миллати ҳўкиздай ишлаб,Раҳматнинг ўрнига эшитар миннат,Бор-йўғини дунёнинг пойига ташлаб,“Ўғри” деб ном олар қарғалган миллат.Қарғалган миллатнинг келажаги тул,Дарёлари қуриб, ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...