3 noyabr – SOS – halokat signali tasdiqlangan kun

1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi mujda sifatida qabul qilindi.

Morze alifbosida “uchta nuqta, uchta tire va yana uchta nuqta”dan iborat bu signalni bundan avvalroq dengiz aloqasida foydalanilgan CQD signali va quruqlikda foydalanilgan CQ signali bilan adashtirmaslik kerak.

Ko‘pincha SOS signalini turli xato abbreviaturalarga yo‘yib adashtirishadi, masalan, Save Our Souls/Save Our Spirits (bizning jonimizni saqlang), Save Our Ship (bizning kemamizni qutqaring), Swim Or Sink (suzing, bo‘lmasa cho‘kamiz), Stop Other Signals (boshqa signallarni to‘xtating), shuningdek, ruscha «Spasite Ot Smerti» (o‘limdan qutqaring) va hokazo.

Ularning bari SOS xalqaro signal sifatida qabul qilinganidan keyin paydo bo‘lgan talqinlardir. Vikipediyaga ko‘ra, ushbu signal uchun oson va tez anglashiladigan morze harflari tanlangan.

1999 yilning 1 fevralida SOS signali Xalqaro dengiz tashkiloti tomonidan avtomatlashtirilgan GMDSS tizimi bilan almashtirildi, biroq halokat va ofatni bildirish uchun haligacha SOS signalidan foydalanish mumkin.

SOS cignali tovushi mana bunday eshitiladi:

Eltuz.com