Xotinini pichoqlagan sayramlik «qissasi» memlarga ko‘chdi

Ijtimoiy tarmoqda «boshqa dinga kirdi» deya xotinini pichoqlagan o‘zbek zaharxanda qilingan memlar paydo bo‘ldi.

Qozog‘istonning Sayram tumanida yashovchi 34 yoshli Xayrulla Normetov «o‘ris diniga kirib ketgani uchun» xotinining qorniga pichoq tiqqanini iddao qilib, 13 noyabr kuni tarmoqqa video qo‘ygani ortidan qamoqqa olingan edi.

Pichoqlangan ayol Jamila Normetovaning hayoti vrachlar tomonidan saqlab qolingan.

Xayrullo Normetov videosiga javoban memlarda uning gaplari ba'zan mashhur yulduzlar og‘zidan yangraydi.

«Men Normetov Xayrullo! Xotinimga pichoq tiqib oldim!» deydi mem qahramoni ko‘p ming kishilik stadionda gulduros qarsaklar ostida.

Boshqa bir memda esa u qozon sotib olgan va o‘choqqa o‘t yoqmoqchi bo‘lgan qishloqlik tarzida aks etadi:

«Qozon sotib oldim. O‘tin tiqdim. Yonsa yongandir. Duo qilinglar…», deydi yonmayotgan o‘choqni tasvirga olgan mem muallifi.

«Eltuz» nashri 16 noyabrda e'lon qilgan video qisqa vaqt ichida 83 mingdan ziyod tomosha qilindi.

Eltuz.com