Asosiy mavzular
4 dekabr 2017

Armiyani kuchaytirishda mantiq bor

O‘zbekiston Markaziy Osiyoda kuchli o‘yinchi bo‘lishga intilish barobarida harbiy qudratini ham oshirib bormoqda.

Afg‘oniston prezidenti Ashraf G‘anining 4 dekabr kuni Toshkentga safari oldidan O‘zbekiston Rossiyadan 12 ta «Mi-35» ko‘p maqsadli vertolyotlar sotib olish bo‘yicha shartnoma tuzgani to‘g‘risida xabar tarqatildi.

Bu vertolyotlarni yetkazib berish keyingi yildan boshlanishi kutilmoqda.

Mazkur shartnoma Rossiya hukumati raisi Dmitriy Medvedov va uning o‘rinbosari Dmitriy Rogozinning Toshkentga qilgan safarlari ortidan imzolandi.

Biz o‘shandayoq O‘zbekiston Rossiya bilan harbiy sohada yanada jiddiyroq hamkorlik qilishga intilishini taxmin etgan edik.

Yana taxmin qilishimiz mumkinki, bu shartnoma rasmiy Toshkentning qurol-yarog‘ sotib olishga oid kelishuvlarining debochasi, xolos. Hali ko‘p bunday shartnomalar haqida eshitishimiz ehtimoli yuqori.

Prezident Shavkat Mirziyoev yaqinda Turkiyaga qilgan safaridan ham harbiy sohada e'tiborli kelishuvga erishib qaytgandi. Bu kelishuvga ko‘ra, O‘zbekistonda turklarning zirhli harbiy mashinalari ishlab chiqariladi.

O‘zbekiston rahbarining harbiy sohadagi bunday izchil qarorlarining ildizini joriy yilning boshlaridan izlash kerak.

U Vatan himoyachilari kuni munosabati bilan yo‘llagan tabrigida «qo‘shinlarni zamonaviy qurol-yarog‘ va harbiy texnika bilan qayta ta'minlash – bugungi va istiqboldagi eng muhim vazifa ekani» haqida gapirgandi.

Shuningdek, Mirziyoev mamlakatda harbiy sanoat majmuasini barpo etish istagini ham e'lon qilgan edi o‘shanda. Ayni paytda bu boradagi sa'y-harakatlar kuchayib borayotganiga guvoh bo‘lishimiz mumkin.

Xo‘sh, mamlakat keskin iqtisodiy o‘zgarishlarni amalga oshirayotgan bir paytda mavjud imkoniyatlarning bir qismini shunday ham Markaziy Osiyoda eng kuchli deb e'tirof etiladigan armiyaga yo‘nalshtirish qanchalik mantiqli, degan savol tug‘ilishi tabiiy.

Fikrimizcha, Afg‘onistondagi vaziyat barqarorlashmas ekan, Markaziy Osiyo ustidagi «qora bulut» tarqamaydi.

Dunyodagi nufuzini qaytarib olishga urinayotgan Rossiyaning AQSh bilan manfaatlari to‘qnashayotgan bu hududda esa hali-beri tinchlik o‘rnatiladiganga o‘xshamaydi.

Rossiya «Tolibon»ga qurol-yarog‘ yetkazib berayotgani to‘g‘risidagi xabarlar paydo bo‘layotgani ham bejizga emas.

Qolaversa, Iroq va Suriyadan quvib chiqarilayotgan IShID jangarilari uchun hozir eng maqbul mamlakatlar orasida Afg‘oniston ham borligini yodda tutish lozim.

Shu nuqtai nazardan olib qaraganda, O‘zbekistonning o‘z armiyasini imkon qdaar tezroq modernizatsiya qilishga intilishi mantiqli ko‘rinadi.

Sardor Azim
Eltuz.com

Tag‘in o‘qing
1 yanvar 2022
Qadrli Eltuz kanali ko‘rarmanlari va obunachilari. Cizlarni avvalo kirib kelayotgan yangi 2022 yil bilan tabriklamoqchimiz. O‘tgan 2021 yil O‘zbekiston ...
2 avgust 2018
Muhammad Bekjonning «Alvido, Jasliq!» kitobidan navbatdagi qism 1999 yilgi Toshkent portlashlarining asosiy guvohi Zayniddin Asqarov bilan yuzlashuv haqida. 2003 ...
17 mart 2021
Andijon davlat universitetining olti xodimida koronavirus aniqlangani haqida xabarlartarqaldi. ADUdagi manbaning “Eltuz”ga aytishicha, aslida kasallik yuqtirgan talaba va xodimlar soni bundan ham ko‘p bo‘lishi ...
16 mart 2018
Bobomurod Abdullaev ishi bo‘yicha 15 mart kuni o‘tgan sud majlisida Respublika sud tibbiy ekspertizasi xulosasiga ko‘ra, jurnalistga nisbatan qiynoqlar ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...