Video
9 yanvar 2018

Do‘ppi fleshmobi o‘zbeklar obro‘sini tiklaydimi? (videoblog)

6 yanvardan instagram va feysbuk sahifalarida stixiyali tarzda o‘zbeklar do‘ppi fleshmobini boshlashdi. Unga tarmoqda boshqa millatlar ham qo‘shilishdi.

Zardo‘ziyu duxoba, qog‘oz do‘ppiyu kigiz do‘ppilar namoyish etilmoqda. Kimdir qalpoq, kimdir papoq, yana kimdir cho‘girma kiydi.

Shoir Erkin Vohidning «Qayga borsam, boshda do‘ppim, g‘oz yurarman gerdayib» degan mashhur satrlari shu kunlarda har doimgidan ko‘proq takrorlandi.

Hatto prezident Mirziyoev ham o‘z chiqishida bu so‘zlarini takrorlab, «Kim bu so‘zlarni o‘sha paytda ayta olardi? Erkin Vohidov aytgan! Qani bizda shunday yozuvchilar?» degan ritorik savolni qo‘ydi.

Shoirning ayni satrlariga javoban 1988 yili Muhammad Solih «boshdagi do‘ppi bilan faxrlanishning o‘rniga do‘ppini boshdan olib yerga qo‘yib, millat sifatida “men kimman” deb o‘ylanish fursati keldi, degan edi.

Muhammad Solihning 30 yil burungi so‘zlari o‘zbeklar nomi xalqaro terror, jinsiy tajovuz yoki korruptsiyaga oid yirik jinoyat figurantlariga nisbatan qo‘llanilayotgan damda, ayniqsa, dolzarb va achchiq yangramoqda.

Bugun chindan ham do‘ppi kiyib, o‘zbekligimizdan gerdayishdan ko‘ra, uni boshdan olib, uzoqroq surib qo‘ygan xavfsizroq emasmi?

Bu fleshmob menga ko‘pincha jurnalistlarga nisbatan ishlatiladigan «shlyapangizni kiying!» degan eski ingliz iborasini eslatadi.

Qalpog‘ingizni kiying. Ya'ni kim ekaningizni bildiring.

Rahmatlik dadam, jurnalist Rajabboy Bobojonov shlyapa kiygan. Uyimizda hamisha to‘rt faslga mo‘ljallangan har xil shlyapalar bo‘lardi.

Keng soyabonli, yengil shlyapa, Xorazm iqlimiga mos. Jurnalistni ham quyoshdan, ham o‘sha paytdagi har xil avtoritetlar ta'siridan to‘sadi. Bundan tashqari, shlyapa hokimiyat timsoli edi.

Do‘ppi esa ayni paytda qaysidir oddiy xalqqa mansublik ramzi edi.

Ehtimol, shuning uchun ham bugun har bir o‘zbek do‘ppisini boshiga qo‘ndirib, uning ostida kechayotgan fikrlari, g‘oyalari, maqsadlarini bir taroziga solib ko‘rishi o‘rinliroqdir?

Marhamat qilib do‘ppingizni kiying!

Videoblog: https://youtu.be/CZirHOnRDUI

Qudrat Bobojon
Eltuz.com

Tag‘in o‘qing
26 sentyabr 2017
Shavkat Mirziyoev iqtidorga kelgach, Rossiyalik o‘zbek milliarderlarining mamlakatga kelib biznes boshlayotgani kuzatilmoqda. Alisher Usmonov, Iskandar Mahmudovlar ortidan yana bir ...
13 fevral 2024
17 ta fermer xo‘jaliklari birlashib tashkil etgan “Eko Zamin Oltin Tolasi” ishlab chiqarish kooperativi (IChK) ishi.   Fermerlar 2023 ...
8 may 2023
Qadrli muxlislar, e'tiboringizga Eltuz «600 sekund»ning  navbatdagi 8 may sonini taqdim etadi. O‘zbekistonda 9 iyul kuni muddatidan oldin prezident ...
15 aprel 2022
Ramazon oyining juma kuni pasportiga qashshoq deya yozilgan ulus oldiga chiqib gapirarkan, aynan ro‘za oyi bo‘lgani uchun ham hissiyotlarimni ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...