Catira
26 aprel 2018

Toshkentda begona urushning ruscha ashulasi kuylandi

O‘zbekiston mudofaa vazirligi ansambli artistlari Toshkent metrosida 9-mayga kuniga atagan aktsiyalarni boshlashdi va bunga qarshi rossiyaparastlik tadbirini to‘xtatish chaqiriqlari paydo bo‘ldi.

25 aprel kuni tarqalgan videoda artistlar, Rossiyaning Ukraina sharqidagi urush harakatlari va Qrim okkupatsiyasini eslatuvchi «Georgiy lentalari» ham aks etgan.

Ikkinchi jahon urushi davri rus harbiylari formasidagi artistlar metro stantsiyalarida urush qo‘shiqlarini kuylashadi.

«Bu urush – biz uchun begona urush edi. Bu urushda yuz minglab vatandoshlarimiz qurbon keltirildi. Endi esa begonalar g‘alabasini bayram qilishni bizga taklif qilishmoqda» dedi taniqli o‘zbek kinorejisseri Abdulaziz Mahmudov «Eltuz» muxbiri bilan suhbatda.

Anvar Nazir, Fahriddin Tojimurod va yana o‘nlab shaxslardan iborat o‘zbek faollari guruhi rus mustamlaka siyosatini tamsil qiluvchi aktsiyalarni to‘xtatish yuzasidan, prezident Shavkat Mirziyoevga murojaat tashabbusi bilan ham chiqishdi.

«Sovetlarning mustamlaka tizimida qolgan xalqimiz siyosiy taqdiri Ikkinchi jahon urushining ibtidosi bilan ham, xotimasi bilan ham mantiqan bog‘lanmagan…» deyiladi jumladan imzolar yig‘ilayotgan murojaatda.

Taniqli o‘zbek kinorejisseri Abdulaziz Mahmudov metrolardagi tadbir, oddiy odamlar tashabbusi bilan qilinayotganiga shubha bildiradi.

«Bu aktsiyalar, aftidan prezident Shavkat Mirziyoevning iznisiz ham bo‘lmayapti. Zotan Mirziyoevning o‘zi mamlakat Qurolli kuchlari Bosh qo‘mondoni hamdir.

Biz zambarak yemi o‘rnida begunoh o‘ldirilgan odamlarni xotirlashimiz mumkin, lekin bu kunni bayram qilib, «Katyusha»ga raqsga tusha olmaymiz. Qo‘shiq satrlariga e'tibor bering:

Olma-noklar gulladi,
Daryo ustini esa tuman qopladi!
Va qirg‘oqqa chiqdi Katyusha
Eng baland va tikka qirg‘oqqa…

Axir bu Rossiya bahori manzarasiku, o‘zgalar tumanida adashishdan qo‘rqmaysizmi janob prezident?» deya xitob qiladi Abdulaziz Mahmudov prezidentga.

Mudofaa vazirligining metro stantsiyalarida Rossiya urushiga bag‘ishlangan aktsiyasi 9-mayga dovur to‘xtovsiz davom etishi bildirilgan. Rassom Tuz esa o‘z istilochilarini sog‘inib, «Katyusha»ni kuylayotgan o‘zbeklar rasmini chizdi.

Rassom Tuz
Eltuz.com

Tag‘in o‘qing
8 aprel 2019
6 aprel kuni Londonda O‘zbekiston yangi tarixining turli davrlarida siyosatga turlicha munosabatda bo‘lgan ziddiyatli olima Shirin Akiner 76 yoshida ...
27 fevral 2017
Hokimiyatni oilaviy boshqarish mintaqada urfga aylandimi? 21 fevral kuni, Ozarbayjon prezidenti Ilhom Alievning xotini Mehribon o‘z eriga birinchi vitse-prezident ...
5 oktyabr 2017
Prezident Mirziyoev 30 sentyabr kuni Maktabgacha ta'lim vazirligini tuzish haqidagi farmonni imzoladi. Farmonda, mamlakat bo‘ylab bog‘chalar sonini ko‘paytirish, maktabgacha ...
1 iyul 2019
O‘zbekistonda hokimiyat organlarining axborot makonini vertikal nazorat qilishning yangi tizimi yo‘lga qo‘yilmoqda. Bu esa axborotning yagona markazdan turib boshqarilishini ...
Bloglar
23 may 2023
Din ishlari qo‘mitasi “hajga yuboraman” degan «aprslar» gapiga ishonmanglar, deb, “lo‘xlar”ni ogoxlantirdi. Ammo lo‘x va ...
22 may 2023
O‘zbekistonning o‘risqul hukumati yana bir sanktsiyaga tushgan Ukrainaga qarshi urush aybdorini Toshkentga chaqirib siyladi. Ukrainadagi ...
20 may 2023
Eltuzning dushman emas balki do‘st ekanligini eng birinchi anglab tushunib yetgan ilk rasmiy kishi bu ...