Asosiy mavzular
31 yanvar 2018

Muhammad Solih: Inoyatov Moskvaga bog‘langan odam edi

O‘zbek muxolifati lideri, “Erk” demokratik partiyasi raisi Muhammad Solih “Eltuz” muxbiri bilan suhbatda MXX raisining lavozimidan ketishini “O‘zbek xalqi uchun ijobiy bo‘lgan ulkan siyosiy voqea”, deb atadi.

Suhbat davomida Muhammad Solih MXXning 31 yanvar kuni ishdan olingan raisi Rustam Inoyatovning o‘zbek xalqiga nisbatan qilgan repressiya ko‘lamini tasvirladi.

“Inoyatov ukalarimni qamadi, “Erk” faollarini quvg‘in qildi, qolaversa, mening o‘zimga uch marta suiqasd uyushtirdi. Alloh ko‘magida bu suiqasdlardan omon qoldim”, dedi Muhammad Solih.

“Eltuz” muxbirining “Nega Inoyatovni ishdan olish uchun Mirziyoevga bir yil zarur bo‘ldi?” degan savoliga javob bergan Solih o‘z tasarrufidagi ma'lumotlarga asoslanib, “Inoyatov tarafdorlarini zaiflashtirish ancha qiyin bo‘lganini” aytdi.

“Inoyatov ishdan ketish oldidan MXX inventaridagi 5 foiz qurolni shaxsiy tarkibga noqonuniy tarqatgan, degan ma'lumot bor bizda. Ya'ni MXX qurol zaxirasining 5 foizi Inoyatov tarafdorlari qo‘lida bo‘lgan. Ularda Inoyatov tarafini olib qurolli qarshilik qilish rejasi bo‘lgan. Shu bois, Mirziyoevga Inoyatovni ketkazish uchun bir yil kerak bo‘ldi”, deydi suhbatdosh.

Ba'zi mulozimlarga ko‘ra, Rustam Inoyatov 1995 yilda Toshkent klani xoch otasi bo‘lgan Temur Alimov (hozirda marhum) ko‘magida MXX raisligiga keltirilgan. Ya'ni u Toshkent klaniga bog‘liq bo‘lgan. “Eltuz” bilan suhbatda Muhammad Solih 31 yanvar kuni ishdan olingan Rustam Inoyatov “Moskvaga bog‘langan odam edi”, deya ta'kidladi.

“Bu uning KGBning Moskvada bo‘lib o‘tgan yuz yillik tantanalarida bezbetlarcha qatnashganida yaqqol ayon bo‘lgan edi”, deydi Muhammad Solih.

31 yanvar kuni MXX raisi Rustam Rasulovich Inoyatov ishdan bo‘shatildi. Bu haqda O‘zbekiston prezidentining MXX va prokuratura xodimlari ishtirokida o‘tkazgan selektor yig‘ilishida ma'lum qilindi.

MXX raisi lavozimiga shu vaqtgacha O‘zbekiston Bosh prokurori bo‘lgan Ixtiyor Abdullaev tayinlandi.

23 yildan beri MXX raisi lavozimida ishlab kelayotgan Rustam Inoyatovning bo‘shatilishi O‘zbekiston prezidenti Shavkat Mirziyoevning MXXni ochiq tanqid qilgani ortidan yuz berdi.

Eltuz.com

Tag‘in o‘qing
27 fevral 2019
«O‘zbekkontsert» «Bravo» va Halimaning litsenziyalarini bekor qilibdi. Hechqisi yo‘q, «O‘zbekkontsert»ning 3-4 ta tadbirida bepul qatnashib berishsa, sekingina hech kimga ...
23 mart 2016
Vazirlik vakilining aytishicha, ish beruvchi xodimdan uning xizmat vazifalariga kirmaydigan ishlarning bajarilishini talab qilish huquqiga ega emas. Bundan tashqari, ...
13 dekabr 2017
12 dekabr kuni Xalqaro mehnat tashkiloti (XMT) O‘zbekistonda hukumatning majburiy mehnatni tugatish choralarini ko‘rgani haqida bayonot berdi. XMT saytidagi ...
7 fevral 2018
Mustaqillikning ilk yillarida O‘zbekiston prezidenti Islom Karimov sho‘rolar davrida respublikani uzoq yillar boshqargan Sharof Rashidovning nomini go‘yoki oqlashga qaratilgan ...
Bloglar
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...
12 yanvar 2025
Turli mavzularga o‘z qarashi bilan farqlanadigan bloger Kirpi Prezidentning 380-sonli qarori asosida 1000ta kitobning o‘zbek ...