Asosiy mavzular
31 yanvar 2019

Nega internetdagi o‘zbeklar diktatorlarni sevadi?

Venesueladagi oxirgi o‘zgarishlardan so‘ng, kutilganidek, sobiq prezident Nikolas Maduroning tarafdorlari ko‘payib ketdi. Uning xalqqa qilgan yaxshiliklari, hamshiralar minglab dollar maosh olgani haqidagi postlar urchidi. Xuddi shu voqea Saddam Husayn va Qazzofiy (Kaddafiy) ketganida ham kuzatilgan edi.

Internet ahlining har qanday vaziyatda ham teskari fikr bildirish ishtiyoqidan xabarim bor. Lekin bu safar ular shunchalar erinibdiki, Maduro uchun yangi “xizmatlar” o‘ylab topish o‘rniga Qazzofiyning “xizmatlar”ini ko‘chirib qo‘yishibdi. Hamshiralarga ming dollar maosh, tekin benzin, dorilarni soxtalashtirganlik uchun o‘lim jazosi — Liviya uchun ham, Venesuela uchun ham bir xil faktlar, faqat davlat rahbarining nomi o‘zgaradi, xolos.

O‘sha afsonaviy “xizmatlar” haqiqat deb olaylik, mayli. Baribir savollar tug‘iladi:

  • milliy boyliklarning ulkan qismi baribir elita tomonidan o‘zlashtirib yuborilgan. Katta maosh buni oqlolmaydi;
  • sog‘lom iqtisodiy muhit yaratmay turib “ol qulim” deb berilgan imtiyozlar iqtisodiyotning battar botqoqqa botishiga olib keladi. Neft zaxiralari bo‘yicha Saudiya Arabistonidan ustun turadigan Venesuela qanday ahvolga olib kelib qo‘yilgani buning dalilidir.
  • tekin benzin, tekin dorixona maqtanadigan narsa emas, balki boqimandalik psixologiyasi in'ikosidir. Sog‘lom iqtisodiyotda xizmatlar odatda pulli bo‘ladi, odamlar esa ulardan to‘liq foydalanish uchun yetarli moddiy imkoniyatga ega bo‘ladi;
  • nihoyat, mayda-chuyda imtiyozlar so‘z erkinligi va shaxsiy huquqlarning poymol qilinishini oqlolmaydi.

Eldar Asanov,
Telegramdagi «Asanov formati» blogeri

Tag‘in o‘qing
23 mart 2016
“Xalq so‘zi” gazetasi “Jahon” axborot agentligiga asoslanib O‘zbekiston prezidentining 2015 yil yakunlariga bag‘ishlangan mashvaratdagi ma'ruzasi Buyuk Britaniya ekspertlar hamjamiyatida ...
6 mart 2018
«Bosh vazirdan tortib, hokimlargacha to‘y marosimlariga borishi man etiladi», dedi Shavkat Mirziyoev 2 mart kuni ijtimoiy tarmoqda paydo bo‘lgan ...
21 iyun 2017
Andijonlik shifokorlarning bergan ma'lumotlariga ko‘ra, keyingi paytlarda ari chaqishidan shikoyat qilib murojaat qiluvchi bemorlar tez-tez uchramoqda. Bu bemorlarning aksariyati ...
2 may 2015
Bu baxslar NKVD- KGB propagandasi yaratgan zaharli zaminda o‘sgan mutant daraxtlar mevasi kabi tuyuldi menga. Mamlakatda na Chor mustamlakachilariga ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...