Catira
13 avgust 2019

Allamjonov «Ozodlik» radiosini nega aybladi?

Taniqli janob Allamjonov rahbarlik qiladigan O‘zbekiston Prezidenti ma'muriyati huzuridgi Axborot va ommaviy kommunikatsiyalar agentligi tag‘in ayblovlar bilan «Ozodlik»ka xuruj qildi. «Ozodlik» go‘yoki Allamjonovning FBdagi aytgan kalimasini kontekstdan «yulib olish»da ayblandi. Ko‘raylik-chi, «Ozodlik»ning bu qilmishi nimadan iborat ekan. Aha, topdim:   

(Ozodlik Radiosi 9 August at 14:59)

Komil Allamjonov: «Odamlarda pul paydo bo‘lsa, ular injiq bo‘lib qoladi va ularni oddiy va arzon narsalar bilan hayron qilolmay qolasan. Ular hayot pul bilan go‘zalligini tushunadi».

Ya'ni ular ushbu tsitatani shunchaki keltirishdi va boshqa narsa qo‘shishmadi. Bu mumkin emasmidi? Axir bu gaplarni aytgan Allamjonov o‘z so‘zlarini rad etmayapti-ku?!

Shundan so‘ng ular sha'niga ayblovlar yog‘ildi, kimdir FBda salbiy izohlar yozdi. Ulardan kimlardir anonim niklardan foydalandi. Mana, ularni endi agentlik jinoiy javobgarlikka tortish bilan shug‘ullanmoqchi. O‘qiymiz:

«Ushbu vaziyat yolg‘on axborotlarni tarqatish uchun soxta profillarni jalb qilish dunyo miqyosida haqiqiy xavfga aylanganini yana bir bor yaqqol ko‘rsatmoqda. Bu esa ularga nisbatan chora ko‘rishni talab etadi. Soxta akkauntlarning bunday faolligi O‘zbekiston media maydonida ham kuzatilmoqda, bunda muayyan shaxslar doirasining manfaatlari yo‘lida soxta akkauntlardan foydalanish tobora ortib bormoqda. Shu munosabat bilan bugungi kunda agentlik tomonidan IP-ma'lumotlarni aniqlash uchun soxta akkauntlarni o‘rganish ishlari olib borilmoqda, keyinchalik ular tegishli idoralarga qonuniy chora ko‘rish maqsadida taqdim etiladi».

Mana, endi kim o‘z shaxsini niklar ortiga berkitayotgan bo‘lsa, ehtiyot bo‘ling. Sizlar bilan shug‘ullanishadi. Men VPN orqali efirga chiqish bilan o‘z IP-adreslaringizni yashirishingizni maslahat beraman.

Material oxirida agentlik tag‘in «Ozodlik»ka hujum qiladi: «… Biz “Ozodlik” radiosi axborot bilan ishlashda g‘irrom usullarni qo‘llashi hamda jurnalistik faoliyat va etika tamoyillarini buzishda davom etayotganiga yana bir bor ishonch hosil qildik. Ushbu OAV rahbariyati hozirga qadar AOKAning avval yuborgan rasmiy murojaatlariga javob qaytarmadi…».

Bunday iddao qaerdan chiqayapti? Ey, bizning injiq Allamjonovimiz, sizda mantiq degan narsa bormi? Agar kimdir FBdagi izohlarida sizga yoqmaydigan gaplarni yozayotgan bo‘lsa, bunga  «Ozodlik»ning nima daxli bor?

PS: Darvoqe, anonim niklar ortida siz yollagan trollar ko‘proq uchrayapti, janob Kaprizmen.

Alisher Ilhomov
Siyosiy tahlilchi, feysbuk sahifasidan
Eltuz.com

Tag‘in o‘qing
28 fevral 2017
O‘zbekiston xalq shoiri Jamol Kamol Toshkent Xalqaro aeroportiga Karimov nomini berish haqidagi prezident qaroriga e'tiroz bildirib Mirziyoevga maktub yozdi. ...
24 iyul 2017
Xalq orasida yirik ishbilarmondan ko‘ra ko‘proq kriminal avtoritet sifatida tanilgan G‘ofir Rahimovning tug‘ilgan kuni munosabati bilan internetda u haqda ...
25 may 2020
“Bi-Bi-Si” radiosi o‘zbek xizmati jurnalisti Muhammad Solihga: “Koronavirus pandemiyasi payti shunday chiqish qilishingiz o‘rinlimi? Buning mavridimi hozir?” qabilidagi savollar ...
23 aprel 2023
Chimkentga o‘rnashib olgan rus bosqinchi generali Mixail Chernyaev 1865 yilning 23 aprelida Toshkentni ishg‘ol qilish uchun yo‘lga chiqdi. Sakkizta ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...