Ko‘zqarash
1 may 2015

Ro‘zi Nazar – bizga yalovbardor edi

Bugun olamdan o‘tgan Ro‘zi Nazar aka biz kabi temir parda ortida yashagan turkistonliklarga ta'sir o‘tkazgan yalovbardor edi.

U kishi chop etgan “Hur Turkiston uchun istiqlol gazetasi” ni hali Sovet Ittifoqi mavjud bo‘lgan saksoninchi yillarda Urganchdagi rassom do‘stlarim bilan yashirincha mutoala qilar edik.

G‘arbiy Germaniyada nashr qilingan bu gazeta bizga Vengriya va Boltiqbo‘yidagi rassom do‘stlarimiz orqali yetib kelar edi.

Biz ilk bor dastasida bo‘ri shakli bor yo‘l yo‘l turkiston bayrog‘ini ana shu gazetada ko‘rgandik.

Ro‘zi Nazar aka Sovet Ittifoqi degan mamlakatda ko‘zi ko‘r qulog‘i kar tili lol bo‘lib yashagan ziyolilarning zehniga ta'sir qila olgan edi.

Ro‘zi aka bahtli inson. U SSSRning parchalanishi¸ bolshevizmning mag‘lub bo‘lishi Turkiston tuproqlarning ruslardan ozod bo‘lishini orzu qildi va bu orzusiga erishdi.

Marhum zakiy inson edi va u kishining umri mazmunli va dedektiv film kabi qiziqarli kechdi.

Bu rasmdagi ko‘zoynakli kishi Ro‘zi Nazar bo‘ladi. Ro‘zi Nazarning qizi Zulfiya (Silviya) Nazar Hollivuddagi eng mashxur yozuvchilardan biridir.

Ro‘zi akaning yaqinlariga hamdardlik bildiraman va Turkiston botiri bo‘lgan bu og‘amizning joylari jannatdan bo‘lsin deya duo qilaman.

Shuhrat Bobojon,
Eltuz.com

Tag‘in o‘qing
20 mart 2018
Mahalliy hokimlik Kattaqo‘rg‘on tumanida darsdan olib chiqilib, ko‘cha supurishga majburlangani oqibatida “Kamaz” tagida qolib o‘lgan 42-maktab o‘qituvchisi Diana Yenekeeva ...
14 noyabr 2016
Yaqin bir necha oylar avval, mustaqillik bayramiga tayyorgarlik ko‘rayotgan paytimizda, hali “buyuk yo‘lboshchi” tirik ekanida gazetalarimiz “biz buyuk o‘zgarishlar ...
6 dekabr 2017
4 dekabr kuni Shvetsiyaning Stokholm shahrida O‘zbekistonning Germaniyadagi konsuli Azimjon Ozodov o‘zbek migrantlari bilan uchrashdi. Konsulning gapidan O‘zbekiston hukumatining ...
27 iyun 2016
Teledayjestimizning bu galgi sonini oy oxirini kutmasdan e'tiboringizga havola etishga qaror qildik. Chunki bu oyda Toshkentda “dunyoning eng qudratli ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...