Eltuz – oydinlar bilan birga

Tarmoqda ikki toifa mullalar bir-biri bilan qirpichoq bo‘lmoqda.

1-toifa: Hukumat va DXX yo‘rig‘ida yurib chiziqdan chiqmaydigan «mo‘'tadillar»

2-toifa: IShID va Tolibon formatidagi xalifalik qurish hayolidagi zombi utopist «ashaddiylar».

Bu ikkala guruh ham ilmdan nafratlanadi, tamal savodi yo‘q¸ millat hamda davlat qadriyatlariga yot unsurlardir.

Hukumat tarafidagi bitta mulla «erkak vrach ayollarni davolamasin», deb chiqqani esingizda.

Yana bir qizil mulla esa «Mona Liza asari harom» deya chiqqan edi.

Bu tarafdagi ashaddiylar esa takfir bayrog‘ini ko‘tarib: «Kofirlarni o‘ldirish» chaqiriqlarini kofirlar o‘ylab topgan platformalar orqali yoyinlab yotishibdi. Bu ikki guruh tashqaridan ikki xil bo‘lib ko‘rinadi, ammo ularning ildizi bir.

Bu yagona ildiz – nafrat, ayollarni kamsitish, taraqqiyot va ilmu irfonga zid qadimchilik tamsili.

Bir ildizdan o‘sgan qadimchilarning bu ikki butog‘ini jadid bobolarimiz rad qilgan.

Bu ikki guruhdan millatga va davlatga faqat zarar kelmoqda va keladi.

Xozir qochgan ham, quvgan ham @EltuzTG deydigan zamonda bu ikki guruh bizning qo‘limiz bilan bir-birlariga tosh otmoqchi.

Biz jadid otalar vasiyatiga amal qilib, ikki guruh «razborkasi»ga aralashmaymiz.

Biz yuksak manzillarga ko‘z tikib, ilmu irfon¸ texnikaviy taraqqiyot¸ demokratiya va liberalizm tarafidamiz.

Eski objuvozlardan chiqib, millat tomiriga bolta urmoqchi bo‘lgan qadimchilar tushlarini suvga aytsin.

Oydinlik sari yurayotganlar bilan birgamiz.

Rassom Tuz