Shveytsariyadagi soatga Samarqand shakli zarb qilindi

Shveytsariyaning dunyoga mashhur «Piaget» qo‘l soatlari ishlab chiqaruvchi kompaniyasi, Samarqand viloyatida joylashgan Temuriylar tarixiga oid bo‘lgan, «Registon» maydonining tasviri tushirilgan qo‘l soatlarini ishlab chiqarishni boshladi.

Bu haqida xabar tarqatgan «Vogue»ga ko‘ra¸ qo‘l soatlariga «Registon»ning tasvirini tushirish, «qo‘l soatlari» bo‘yicha mutaxassis Anite Porshe tomonidan asos solingan.

Mutaxassis avvalo Samarqandni ziyorat qilib «Registon» maydoni bilan yaqindan tanishib chiqqan.

Ana shundan keyin qo‘l soatlariga aynan «Registon» maydoni tasvirini zarb qilish g‘oyasini amalga oshirgan.

Shveytsariyaning dunyoga mashhur qo‘l soatlari ishlab chiqaruvchi «Piaget» shirkati 1874 yilda tashkil qilingan bo‘lib, 1957 yildan boshlab qimmatbaho va nodir metallar asosida soatlar ishlab chiqarishni yo‘lga qo‘yib boy haridorlar segmentiga yo‘l topdi.

Taniqli prodyuser va didjey Mark Ronson¸ pop-qo‘shiqchilar Miki va Rianna «Piaget» soatlarini taqishadi.

Samarqand aks etgan soatlarga BAA da yashaydigan o‘zbek tadbirkori G‘afur Rahimovdan buyurtma tushgani haqida Eltuz.com muxbirida ma'lumot bor.

Eltuz.com