Kundalik
2 aprel 2016

Universitetdan haydalgan o‘zbekistonlik Copy/Paste bilimdoni “VimpelCom”ga bo‘yicha o‘z xizmatini taklif etdi

Bu albatta bir xazil maktub, masalaning jiddiy tomoni, “VimpelCom” chindan ham feyk-hisobotlar uchun Gibraltarda ro‘yxatga olingan Gulnora Karimovaning bank hisobiga 30 mln. dollar jo‘natgan. Murod Shokir shu ma'noda o‘zini qalbaki hujjatlar yasash, xususan bunda Power Pointga o‘xshagan ilovalardan foydalanib copy paste qilishning ustasi farangi qilib ko‘rsatadi. Qanday qilib deysizmi, maktubni o‘qing!

O‘zbekistondagi eng taniqli tadbirkordan ilhomlangan, universitetdan haydalgan Murod Shokir “Eltuz”ga ushbu xatni e'lon qilishga ruxsat etdi.

Hurmatli Jan-Iv Sharli,

Men «VimpelCom» global telekommunikatsiya kompaniyasida maslahatchi bo‘lib ishlashga qiziqishimni bildirish niyatida yozmoqdaman.

Yaqinda kompaniyangiz Gibraltarda ro‘yxatdan o‘tgan, tadbirkor Gulnora Karimovaga tegishli Takilant Limited biznes xoldingi hisobiga LTE mobil chastotalari to‘g‘risidagi hisobot uchun 30 million dollar o‘tkazganini bilib qoldim. Ajoyib!

AQSh Adliya vazirligi o‘tkazgan tekshiruvlarga ko‘ra, (Takilant tomonidan tuzilgan) ingliz tilidagi ushbu hisobot matni Vikipediyadagi maqolalar, bloglardagi xabarlar va Power Point namoyishi kabi telekommunikatsiya brendlariga aynan o‘xshashdir. Rus tilidagi hisobotlardagi qismlar Vikipediyada, Verizon Wireless da va matbuotda e'lon qilingan maqolalar va Beeline ning Power Point namoyishlari bilan o‘xshash yoki aynan bir xildir.

Adliya vazirligi Takilant ning hisobotlari “asl voqelikning kichkinagina qismini tashkil etadi yoki umuman hech narsani aks ettirmaydi, aslida ommaviy manbalar yoki boshqa materiallardan ko‘chirilgan matnlardan ko‘chirilgan”, degan xulosa beradi.

Bizga aytishlaricha, Copy/Past vaqtidagi doimiy bosim tufayli ehtimoliy xatar uchun to‘lov sifatida 2011 yilning sentyabr va oktyabr oylarida Takilant ning Shveytsariya bankidagi hisob raqamida 30 million dollar o‘tkazilgan.

E'tiboringiz uchun men Vikipediyadagi plagiatlik bo‘yicha ekspert hisoblanaman. Bunga shubha yo‘q. Shuningdek, men bloglar, yangiliklar saytlari hamda boshqa internet manbalaridan ko‘chirish va matnlarni qo‘yishni ham juda zo‘r eplayman. Bu haqda universitetdagi professorlarimdan so‘rashingiz mumkin va ular buni tasdiqlaydi. Men biror marta o‘ziga xos mohiyatga ega bo‘lgan, ya'ni o‘zimniki bo‘lgan esse topshirmaganman.

Albatta, men xotinim yoki boshqa vositachi jismoniy shaxs nomiga yashirin ravishda Shveytsariya va Latviyada bank hisob raqami mavjud firmani darhol ro‘yxatdan o‘tkazishim mumkin va bundan juda xursand bo‘laman. Siz menga mablag‘ o‘tkazish uchun juda keng imkoniyatga ega bo‘lasiz va buni maxsus xizmatlar bilmaydi.

Men raqobatga asoslangan bozor iqtisodiyoti shart-sharoitlarini yaxshi tushunaman. Shuning uchun Copy/Paste bo‘yicha imtiyozli ravishda 20 million AQSh dollariga o‘z xizmatlarimni taklif etishdan juda baxtiyorman.

Mening xizmatlarimga chegirma belgilashda otam O‘zbekiston prezidenti emasligi hisobga olingan. Afsuski, u bor-yo‘g‘i Buxoroda payvandlovchidir:(

Shunga qaramay, Siz mening xizmatlarimni chin dildan qabul qilishingizga ishonaman, chunki men 30 million AQSh dollari pora sifatida to‘langaniga haqiqatan ham ishonmayman.

Men doimo kutaman, klaviaturamdagi S tugmasini, keyin esa V tugmasini to‘xtamasdan bosaman. Siz esa meni ishga yollaganingizdan afsuslanmaysiz.

Eng yaxshi tilaklar bilan,

Murod Shokir
P.S. Bu maktubning 90 foizi internetdan ko‘chirilgan va qo‘yilgan. Men bu ishda professionalman. Meni ishga oling!
Eltuz.com

Tag‘in o‘qing
16 iyul 2016
O‘zbekistonda “tinchlikni madh etish uchun” mafkura klipi sifatida tayyorlangani aytilayotgan ayni klip musiqasi o‘zgarmagan, biroq tasvirlarda uning eski nusxasi ...
10 dekabr 2019
Sharqiy Yevropa kommunizm asorati va Sovet nazoratining 30 yilligini nishonlayotgan paytda Praga shahriga kelgan muxolifatdagi “Erk” demokratik partiyasi lideri ...
20 iyul 2017
1 avgustda O‘zbekistonda Oliy o‘quv yurtlariga kirish uchun imtihon o‘tadigan joylarga bu yil videokameralar o‘rnatiladi, abiturientlardan barmoq izlari olinadi. ...
7 sentyabr 2016
O‘zbek segmentida Karimov o‘limidan so‘ng agressiv trolling avj olarkan, ijtimoiy tarmoqda prezident Islom Karimov o‘limi fonida uning shaxsini ilohiylashtirish ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...