Huquq himoyachisi O‘ktam Pardaev qamoqqa olindi 

Bugun, 2015 yil 16 noyabr kuni taxminan ertalab soat 8.30 huquq himoyachisi O‘ktam Pardaevning Jizzax shahridagi uyiga militsiya xodimlari kelishgan. Ular tintuv o‘tkazib, barcha hujjatlar, kompyuter, fotoapparatlarni musodara qilishgan va O‘ktam Pardaevning o‘zini Jizzax viloyatining Do‘stlik tumaniga olib ketishgan. Bu haqda huquq himoyachisi Yelena Urlaeva xabar berdi.

Soat kunduzgi uchlar atrofida, Umida Niyozova,  O‘zbek-Nemis Forumi (Berlin) raxbari, O‘ktam Pardaev bilan telefon orqali qisqa gaplashishga muvaffaq bo‘lgan. O‘ktam Pardaev tergovchining kabinetida bo‘lgan va huquqiy yordam va advokat olish uchun toshkentlik huquq himoyachilari bilan bog‘lanishini so‘ragan. U o‘zining hibsga olinishi sababi to‘g‘risidagi savolga javob bermagan. 

O‘ktam Pardaev, o‘zbek amaldorlari zo‘rovonliklaridan fuqarolar huquqini ochiq himoya qilayotgan O‘zbekistonda qolgan kam sonli huquq himoyachilaridan biri sanaladi. So‘nggi ikki oy mobaynida u O‘zbekiston paxta dalalaridagi majburiy mehnat monitoringi bo‘yicha faol shug‘ullangan edi.

Eltuz