Kundalik
13 aprel 2016

IShIDga aloqadorlikda ayblangan armani fermerning advokati xibsga olingan

eltuz.com saytiga, IShIDga aloqadorlikda ayblanib, 7 yil ozodlikdan maxrum qilingan Jizzaxlik fermer, armani millatli Aramais Avakyanning advokati Olim Qobilov xibsga olinib, qamoq jazosiga xukm qilingani xaqida xabar yetib keldi.

O‘tgan yilning 4 sentyabr kuni MXX tomonidan o‘g‘irlab ketilib, IShIDga aloqadorlik va qo‘poruvchilikda ayblangan fermer Aramais Avakyan xamda uning 5 nafar sherigining tergovi qiynoqlar va ruxiy bosimlar ostida olib borilganini tasdiqlovchi muxim dalillar va faktlarni eltuz sayti orqali oshkor etilishiga xissa qo‘shgan Olim Qobilov, ushbu ish bo‘yicha xukm o‘qilishiga bir necha kun qolganida, kutilmaganda lintsenziyadan maxrum qilingan edi.

rasm1152
Avakyanning advokati Olim Qobilov, 7 yillik qamoq jazosiga xukm qilingan

O‘sha kunlari u bizga, Jizzax viloyat MXXning tayziqi bilan lintsenziyasi olib qo‘yilganligini aytib, ushbu soxta jinoiy ishni uyushtirgan yuqori martabali viloyat amaldorlari “Aramais Avakyan ishi” tafsilotlarini oshkor etmaslik uchun har narsaga tayyorligi xaqida ogoxlantirgan edi.

Shuningdek, advokat Olim Qobilov, lintsenziyasiz qolgan bo‘lsada Aramais Avakyan ishi bo‘yicha uning oilasi va yaqinlariga xuquqiy ko‘mak berishda davom etishini va ushbu “qo‘lbola” jinoiy ishni Oliy sudgacha olib chiqishga ko‘maklashishini xam aytgan edi.

Ish faoliyatidan chetlatilgan bo‘lishiga qaramay, Olim Qobilov o‘z va'dasida qoldi: u, soxta ayblovlarni bo‘yniga olishi uchun noinsoniy qiynoqlarga solingan Aramais Avakyan, Dilshod Alimov, Bektemir Umrzoqovlarning yaqinlariga norasmiy tarzda xuquqiy maslaxatlar berib bordi, ularga yuqori instantsiyalarga arizalar yozishni o‘rgatdi.

Bu orada, 19 fevral kuni Aramais Avakyan va uning sheriklari ustidan xukm o‘qildi. Taajublanarli joyi shundaki, 50 saxifaga jo bo‘lgan sud xukmining birinchi saxifasida, “…sudlanuvchi Aramais Avakyan va Dilshod Alimovlarning manfaatlarini ximoya qiluvchi advokati Olim Qobilovning ishtirokida…” deb yozib qo‘yilgan edi. (o‘sha saxifaning rasmi ilova qilinyapti)

Xukm o‘qilgan sud majlisida advokat Olim Qobilovning ishtirok etmaganini sudlanuvchilarning yaqinlari xammasi tasdiqladi. Saytimiz muxarririning advokatni topishga urinishlari besamar ketdi.

Olim Qobilov izsiz g‘oyib bo‘lgandi

Va nixoyat, Jizzaxdagi tanishlarimiz yo‘qolib qolgan advokatning taqdiri haqida darak topishdi. Darak esa unchalik quvonarli emas edi.

Ularning Jizzax viloyat adliya boshqarmasidagi manbaalariga tayanib aytishicha, advokat Olim Qobilov, bundan bir oylarcha muqaddam, O‘zbekiston Jinoiy kodeksining Tovlamachilik (168 modda) xamda Pora berish (211 modda) kabi moddalari bilan ayblanib, 7 yillik qamoq jazosiga xukm qilingan.

Ayblanuvchilar Aramais Avakyan xamda Dilshod Alimovlarning noinsoniy qiynoqlarga solingani, tergovning jinoiy prosessual koidalarga mutlaqo zid ravishda olib borilgani xaqidagi xabarlarni OAVga sizdirishga xissa qo‘shgan, ximoyasidagi fermer va uning sherigi manfaatlarini sud majlislarida moxirona ximoya qilayotgan advokat

Olim Qobilovning kasbiy faoliyatiga, Jizzax viloyati MXX shu tariqa nuqta qo‘ydi.

Ulug‘bek Ashur
Eltuz.com

Tag‘in o‘qing
29 sentyabr 2023
RT: Yashash soatining oltin kapgiri  Har borib kelishi bir olam zamon.  Koinot shu damda o‘z kurrasidan  Yasab chiqa olur ...
25 iyul 2017
To‘ytepa shahri Toshkent viloyati markaziga aylantirilarkan, uni smart – «aqlli» shaharga aylantirish uchun 2 milliard dollar sarflanadi. Prezident Mirziyoevning ...
28 dekabr 2020
2020 yilda Yevroosiyo iqtisodiy ittifoqining onlayn sammitida O‘zbekiston va Kubaga tashkilot huzuridagi kuzatuvchi davlat maqomi berildi. Prezident Shavkat Mirziyoev ...
30 yanvar 2022
(Taniqli shoir va siyosatchi Muhammad Solihning “Imperativ” kitobidan 40-qism. Audiokitob matnini muallifning o‘zi o‘qigan. Davomi bor.) “Erkni istagan ruh ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...