Dayjest
20 may 2016

Butun O‘zbekistonni “to‘lqinlantirayotgan” farmon

O‘zbekiston prezidentining Toshkent davlat o‘zbek tili va adabiyoti universitetini tashkil etish to‘g‘risidagi farmoni butun mamlakatni “to‘lqinlantirib” yubordi. Har holda o‘zbek matbuoti shunday deb yozmoqda.

Bu “to‘lqinlanish”ni ko‘rgandan keyin “ertaga bugun avval ruscha tayyorlanib, so‘ng o‘zbekchaga o‘giriladigan qonunlar endi o‘zbekcha yozilsa kerak”, “yuqori davlat idoralarida ish yuritish endi o‘zbek tilida bo‘lsa kerak”, “prezidentimiz xalqaro anjumanlarda endi ruscha emas, o‘zbekcha gapirsa kerak” kabi nekbinlik paydo bo‘ladi.

O‘zbekiston xalq shoiri Sirojiddin Sayyidning ko‘zlaridan oqqan yosh esa bu nekbinligimizni yanada kuchaytiradi.

“Biz o‘zga yurtlardagi adabiyot muzeylariga mahliyo bo‘lib, havas bilan qarardik. Prezidentimiz farmoni bilan yangi ochilajak universitet tarkibida O‘zbek tili va adabiyoti muzeyini tashkil etish to‘g‘risidagi yuksak ehtirom va e'tiborni ko‘rib ko‘zimizda yosh qalqdi”, deb yozdi S.Sayyid “O‘zbekiston ovozi” gazetasida e'lon qilingan maqolasida.

Ammo bu farmon va yurtboshi sha'niga yog‘ilayotgan madhlarda uchrayotgan “kichkinagina” yolg‘onlar ham borki, ular aslida 25 yil kechikib qabul qilingan hujjatning ahamiyatini yanada pasaytiradigandek tuyuladi.

Xususan, “Xalq so‘zi” gazetasi bunday yozadi: “…hali totalitar tuzum hukmron bo‘lgan turgan murakkab sharoitda – 1989 yilning 21 oktyabrida O‘zbekiston rahbari Islom Karimov tashabbusi bilan qariyb yarim asrlik qaramlikdan so‘ng o‘zbek tiliga davlat tili maqomi berilganini yodga olish mantiqan to‘g‘ri bo‘lur edi”.

Aslida o‘zbek tiliga davlat tili maqomi berilishi bugun mamlakatdan haydab chiqarilgan, barcha yetakchilari xorijda faoliyat yuritishga majbur bo‘layotgan muxolifat kuchlarining, o‘sha paytlarda ko‘ngliga mustaqillik ishqi tushgan o‘zbek ziyoli qatlamining, talabalarning bosimi bilan amalga oshganini esdan chiqarmagan avlod hali tirik.

Shuning uchun kech bo‘lsa-da, qabul qilingan bu muhim farmon haqida madh to‘qiyotganda yolg‘on aralashtirilmasa, uning ahamiyati yanada ortadi.

Eltuz.com

Tag‘in o‘qing
25 aprel 2019
1719 yilning 25 aprelida ingliz yozuvchisi Daniel Defoga shuhrat keltirgan (1660–1731) “Robinzon Kruzo” (ingl. Robinson Crusoe) romani bosmadan chiqdi. ...
26 dekabr 2016
Tabiiy gaz va svet berilishini talab qilib, magistral yo‘lni to‘sib piket qilgan jizzaxlik ayollar militsiya bo‘limlariga chaqirilib tushuntirish xati ...
18 avgust 2020
O‘zbekiston paxta sektorini xususiylashtirish jarayonidagi xatarlar Power Briefs turkumining O‘zbekistondagi paxta sektorini xususiylashtirish jarayonida asosiy rol ajratilgan klasterlar tizimiga ...
9 avgust 2016
Davlat tadbirlarida tor chalinmasligi lozimligi to‘g‘risida tavsiyalar berilganini aytgan Ozodlik radiosiga ko‘ra, O‘zbekistonda tor chalish bo‘yicha maxsus ta'lim to‘xtatilgan ...
Bloglar
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar ...
6 may 2021
1881 yilning 6 mayida Mixail Skobelev boshchiligidagi rus kolonizatorlari Xiva xonligiga qarashli Axaltaka viloyatini okkupatsiya ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning ...