Ko‘zqarash
11 iyul 2016

Aktsiya: #MenAytishdanQo‘rqmayman

Ukraina va Rossiya ijtimoiy tarmoqlarida maqsadi ayollar va qizlarga nisbatan qilingan shilqimlik va jinsiy zo‘ravonlikka jamoatchilik e'tiborini tortishga qaratilgan aktsiya o‘tkazilmoqda.

«Bugun biz, ayollar gapirishini istaymiz. Bizning aksariyatimiz boshidan kechirgan zo‘ravonliklar haqida gapirishimiz muhim. Biz o‘zimizni oqlash haqida gapirishimiz shart emas. Chunki biz o‘zimizni oqlashga harakat qilishimiz shart emas. Biz aybdor emasmiz, aybdor HAR DOIM zo‘ravon-tajovuzkordir. Men aytishdan qo‘rqmayman. Zero, men o‘zimni aybdor hisoblamayman», deb yozdi o‘zining ijtimoiy tarmoqdagi sahifasida tadbir tashabbuskori, ukrainalik jurnalist Anastasiya Melnichenko.

Internetdagi aktsiya o‘z hayotida jinsiy zo‘ravonlikka uchragan ayollar haqidagi hikoyalar to‘lqini qalqishiga sabab bo‘ldi.

#‎Menaytishdanqo‘rqmayman ‬ — bunday deyish noto‘g‘ri, men qo‘rqaman. Men endigina 15 yoshga to‘lgandim, yoshim kattaroq ko‘rinardi, jinsiy yaqinlik haqida faqat klassik adabiyotlarda o‘qigandim va bu bilan umuman qiziqmasdim. Meni o‘zimning tanishim bo‘lgan 19 yoshli yigit zo‘rladi. Biz faqat o‘smirlikdagi bo‘sa olishga asoslangan ishqiy munosabatda edik, xolos. Ammo meni uning o‘zini g‘ayrioddiy tutgani cho‘chitgandi va men bu haqda unga aytishga qaror qildim. O‘shandan buyon juda ko‘p narsaga aqlim yetadi: bunday vaqtda baqira olmaysan, chunki tomog‘ingga bir narsa tiqilganday bo‘ladi va ovozing chiqmaydi, bunday vaqtda jismoniy jihatdan uncha baquvvat bo‘lmagan erkakka ham ayol qimirlay olmasligini ta'minlash juda osondir.

Bunaqa mudhish hikoyalar juda ko‘p va ayollar har kuni o‘z boshidan kechirganlarini bayon qilishda davom etayotir.

Psixologlar jinsiy zo‘ravonlik qurbonlariga o‘z boshidan kechirganlari haqida aytishdan tortinmaslikni maslahat beradi. Chunki bu holat ayolni butun umri davomida ta'qib etadi. Ammo jamoatchilik ta'nalaridan qo‘rqish, qarindoshlar oldida uyatga qolish va boshqa ko‘plab sabablar ayollarni bu dardni o‘z ichiga yutishga majbur etadi.

O‘zbek ayollari va qizlaridan ham shunday ochiqlikni kutish mumkinmi?

Aksariyat holatlarda bu savolga «yo‘q», degan javob olinadi. «O‘zing aybdorsan» – bu odatda jinsiy tajovuz qurboni yuziga aytiladigan eng keng tarqalgan fikrlardan biridir.

Shunga qaramay, biz ayollarga shilqimlik qilish va jinsiy tajovuz muammosi yuzasidan bahs-munozara boshlash istagidamiz. Zero, bu muammoning ahamiyatini baholash juda qiyin.

Eltuz.com

Tag‘in o‘qing
8 aprel 2019
6 aprel kuni Londonda O‘zbekiston yangi tarixining turli davrlarida siyosatga turlicha munosabatda bo‘lgan ziddiyatli olima Shirin Akiner 76 yoshida ...
21 aprel 2020
Buyuk hofiz Komiljon Otaniyozning «Segoh»iyu «Suvoro»larini tinglab, shuurim doim boshqa taraflarga yo‘naladi… Alloh ruhiga rahmat aylasin, buyuk Hofiz dindor ...
19 aprel 2019
“Chegarasiz muxbirlar” (RSF) tashkiloti 2019 yil uchun yillik Matbuot erkinligi indeksini e'lon qildi. Bu indeksga ko‘ra, O‘zbekiston 180 davlat ...
5 sentyabr 2023
O‘zbekistondagi mehribonlik uylarini «reforma qilish» tashabbuskori bo‘lgan Tohir Mirjaparov 15 nafardan ziyod voyaga yetmaganlarni ichirib, hushidan ketkazib, muntazam zo‘rlab ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...