Asosiy mavzular
3 avgust 2016

Farg‘ona hokimi: «Hammang, mosh ekasan!»

Viloyat hokimi Shuhrat G‘anievning bug‘doydan bo‘shagan yerlarga mosh ekish haqidagi topshirig‘i, o‘z yerlariga boshqa ekinlar ekib, katta mehnat va harajatlar sarflab qo‘ygan fermerlarning shaxsiy manfaatlariga zid kelmoqda.

Eltuz.com muxbiriga bu haqda aytgan fermerlardan biriga ko‘ra, ular qish oylarida texnika va o‘g‘itlar haridi uchun kreditlar olishgan, biroq bu pulni na plastikka o‘tkazish, va na naqd shaklida olishning iloji yo‘q.

Dehqonlar uchun ekilgan yerlarini boshqatdan haydash, ekish ikki uch xissa qimmatga tushadi.

“Kuni kecha viloyat hokimligida yig‘ilish bo‘ldi va hamma fermerlarga takroriy ekin sifatida mosh ekish topshirig‘i berildi. Bizning viloyat chetga mosh eksport qilish majburiyatini olibdi”, deydi u.

Shuningdek u, viloyat hokimining qarorini o‘zgartirish u yoqda tursin, uncha muncha odam uning oldiga kira olmasligini aytadi.

“Endi nima bo‘ladi, bilmaymiz. Men iyun oyidayoq bug‘doy topshirish rejasini bajargan edim. Bug‘doydan bo‘shagan yerlarimga makkajo‘xori ekib qo‘ygandim. Boshqa fermerlar ham yerlariga nimadir ekib qo‘yishgan. Hammasini boshqadan haydatib mosh ekish qimmatga tushadi. Texnikani ham, odamni ham pulga ishlatamiz”, deydi fermer.

Hokimning topshirig‘ini nazorat qilish uchun tumanlarga kelgan hokimlik mulozimlari ham muammolarni ko‘ra bila turib yelka qisishmoqda.

Nasima Davron qizi
Eltuz.com

Tag‘in o‘qing
18 fevral 2016
28 yashar rus taksichi qizning pullarini olib, o‘ldirib, keyin mashinasiga o‘t qo‘ygan 24 yoshli Sotvoldiev 14 yarim yil qat'iy ...
25 oktyabr 2015
Bu yil mahkum do‘stimiz Solijon Abdurahmonov 65 yoshda. 10 oktyabr kuni esa uning turmaga tashlanganiga sakkiz yil bo‘ldi. 2008 ...
17 fevral 2020
13 fevral kunining birinchi yarmida qozoq tilidagi mashhur saytlarning deyarli barchasi sobiq prezident Nursulton Nazarboevning nabirasi Oysulton tarqatgan xabarga ...
16 fevral 2017
13 yanvar kuni kechga yaqin Stokgolmning janubida 35 yoshlardagi chimkentlik Shuhrat ismli o‘zbek muxojiri janjal ortidan pichoqlab o‘ldirildi. Voqea ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...