Asosiy mavzular
2 noyabr 2016

Majburiy mehnat tufayli rayono mudiri ishdan ketdi

O‘zbekiston Huquq himoyachilari alyansi (O‘HA) tarqatgan matbuot xabariga ko‘ra 2016 yilning 1 noyabri kuni Bo‘ka shahar Xalq ta'limi bo‘limi mudiri Muhammad Azimovni ishdan olingan, uning ishi prokuraturaga oshirilgan.

Bu haqda shu kuni al'yans lideri Yelena Urlaevaga vazirlikdan qo‘ng‘iroq qilishgan va uning arizasi qondirilganini bildirishgan.

Toshkent viloyatining Bo‘ka tumanida paxta terimiga maktab o‘qituvchilari, bog‘cha tarbiyachilari, kollej pedagoglari jalb etilayotgani, ularni bir necha kun davomida shahar chekkasidagi dalalarga olib ketilib kuniga 6 soatlab ishlatilayotgani haqida bundan ilgari alyans xabar tarqatgandi.

rasm4055
Yelena Urlaeva, O‘HA lideri

Bunda pedagoglarni ommaviy tarzda terimga safarbar qilish 2016 yilning 20 sentyabrida boshlangani, ular «Moytepa», «Ko‘korol», «Alxojar» hududlarida paxta terishgan. Buning oqibatida maktablarda normal dars o‘tish jadvali buzilgani bildirilgandi.

Yelena Urlaeva: «Azimovning ishdan olinishi, vaziyatning o‘nglanishiga umid paydo qiladi»

O‘zbekiston Huquq himoyachilari alyansi (O‘HA) lideri Yelena Urlaeva bolalar mehnatiga qarshi kurash natijasi kabi, kattalar majburiy mehnatining ham oxir oqibat bartaraf etilishidan umidvor:

«Men o‘z arizam bo‘yicha chora ko‘rilgan deya hisoblayman, endi albatta voqealar rivojini va prokuraturaning Muhammad Azimovga nisbatan qanday chora ko‘rishini kuzatamiz.

Muhammadning ishdan olinishi Bo‘ka tumani aholisi va o‘qituvchilari uchun juda quvonchli. Pedagoglar bilan munosabatda u banditlarcha usullar qo‘llab kelgan va undan hamma qo‘rqqan.

Hozir odamlar Huquq himoyachilari harakati, ularining arizalaridan qandaydir natijasi bo‘lganini ko‘rishdi, bu ularning huquq himoyachilari va qonunga nisbatan umidi va ishonchini paydo qiladi.

Bo‘ka tumani hozircha bir o‘rnak, garchi men har bir majburiy mehnat holati yuzasidan alohida yozmoqdaman.

Agar reydlar bo‘yicha bizning axborotlarimiz hisobga olinsa vaziyat yaxshi tomonga o‘nglana boshlaydi, balki bu istaganimizdek tezgina amalga oshmas.

Shunchaki ko‘pchilik sukutda, huquq himoyachilari esa sanoqli. Biroq bolalar mehnati bilan bo‘lgani kabi, bu sistema ham sindirildi».

rasm4054
Umida Niyozova, UGF raxbari

Umida Niyozova: «Muhammad Azimov – shunchaki «gunoh echkisi»

Germaniyadagi O‘zbekiston-Germaniya inson huquqlari forumi (UGF) tashkiloti raxbari Umida Niyozovaning fikricha o‘zgarishlar bo‘ldi deyishga hali erta:

«Paxta – bu o‘simlik emas siyosat ekani O‘zbekistonda yosh bolaga ham ayon, demak odamlarni paxta dalalarida ishlashga majbur qilinishiga qarshi norozilik bildirilmasligi kerak.

Shu bois, paxta terishga yoki pulini to‘lashga majbur qilinayotgan bechora talabalar va davlat idoralari xodimlarining noroziligini ko‘rmaymiz.

Ishdan bo‘shatilgan va «gunoh echkisi»ga aylantirilgan Bo‘ka shahar rayono mudiri albatta hokimning, hokim esa Toshkentning buyrug‘ini bajargan.

Agar uning ortidan qolgan yuzlab mulozimlarni ham ishdan bo‘shatishsa, ana unda o‘zgarishlar bo‘ldi deya gapirish mumkin.

Hozircha esa, odamlarni paxta terimiga majburlash bilan bog‘liq davlat siyosati o‘zgarishsiz qolmoqda».

Eltuz.com

Tag‘in o‘qing
11 iyul 2016
Ukraina va Rossiya ijtimoiy tarmoqlarida maqsadi ayollar va qizlarga nisbatan qilingan shilqimlik va jinsiy zo‘ravonlikka jamoatchilik e'tiborini tortishga qaratilgan ...
9 aprel 2020
Joriy yilning 6 aprelidan koronavirus tarqalishiga qarshi karantin tadbiri doirasida Toshkent va Nukus shaharlari hamda viloyat markazlarida velosipedda harakatlanish ...
12 aprel 2015
Sizga aeroportda yoki o‘zbek chegarasining boshqa qismida deklaratsiyalar to‘ldirishga to‘g‘ri kelganmi? – deya savol beradi jurnalist Qudrat Bobojonov. To‘g‘ri, ...
6 oktyabr 2017
4 oktyabda o‘tgan Oliy majlis yig‘ilishida, «fuqarolarning kafolatlangan mehnat huquqlarini ta'minlash» parlament komissiyasi tuzildi. «Majburiy mehnatni taqiqlashni» ko‘zlagan komissiyaga ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...