O‘zbek ayol Turkiyada ozarbayjonlik tadbirkorga tuzoq qo‘yganlikda ayblandi

O‘zini avvaliga Sabrina deb tanishtirgan 22 yashar O‘zbekiston vatandoshi Mushtariy. S dugonasi asli ozarbayjonlik 23 yashar Latifa Mamedova bilan birgalikda gazlama biznesida nomi chiqqan ozari tadbirkorini shantaj qilib pul undirgani yuzasidan Turkiyada jinoyat ishi ochildi.

Politsiya ma'lumotiga ko‘ra, o‘zbek ayol Mushtariy o‘z dugonasi Latifaning bir vaqtlar boy ozari tadbirkori bilan ishlaganidan habar topgach, uni dugonasi ko‘magida mehmonga chaqiradi.

Mustafo Tayyot (Mustafa Tayat)ismli ozari tadbirkori ilgari birga ishlagan ayolning “bir finjon qahva ichish” taklifini qabul qilib Istanbulnig Yevropa qismida joylashgan Sarier mavzeidagi villaga boradi.

Villaga ularni ortidan uch nafar qora niqobli qurol ko‘targan kishi kelib ozari tadbirkorini oyoq qo‘lini bog‘lab garovga oladi va oldiniga 3 million turk lirasi (bir million AQSh dollari) talab qiladi.

Pirovardida qurolli kishilar tadbirkorning hamyonidagi 10 ming lirani olib ko‘zdan g‘oyib bo‘lishadi.

Bir muddatdan keyin qo‘llarini yechishga muvaffaq bo‘lgan tadbirkor politsiya chaqiradi. Tadbirkorning politsiyaga qilgan shikoyati Eltuz nashrida mavjud.

Mustafo Tayyotning iddaosiga ko‘ra, Latifa Mamedova ismli eski hamkasbi bilan kelgan O‘zbekistonlik ayol shantaj tashkilotchisi bo‘lgan:

«U qimmat mashina haydab kelib o‘zini AQSh dagi boy ayolning qiziman. Onam siz bilan biznes qilmoqchi. Onam hozir Istanbulga kelgan, Sarierdagi villada sizni kutyapti, bir finjon qahva ichamiz deganidan keyin men eski hamksabim hurmati uchun borib tuzoqqa tushdim», deya shikoyat qilgan ozari tadbirkori.

Bu shikoyat ortidan qo‘lga olingan o‘zbek ayoli o‘z jazmani tahdididan qo‘rqib bu ishga qo‘l urganligini politsiyaga bildirgan. Ayol iddaosiga ko‘ra ozarbayjonlik biznesmenni garovga olib pul undirishga jazmani majburlagan.

Ayni paytda O‘zbekiston vatandoshi Mushtariy. S va Latifa Mamedova hibsda qolmoqda.

Bu Istanbulda o‘zbek vatandoshlari tarafidan sodir etilgan ilk jinoyat emas.

Abdujamil Do‘stmuhammad
Eltuz.com