Asosiy mavzular
23 dekabr 2016

Munisani tanqid qilgan imom Gulnorani nishonga oldi

Chilonzor tumani “Tinchlik” masjidining imom xatibi Shermurod Tog‘ay (Alisher domla) o‘zining Munisa Rizaeva haqidagi chiqishi yuzasidan yozilgan tanqidiy munosabatga Feysbukdagi o‘z sahifasida javob yozdi.

«Round Run» klipi muallifi Gulnora Karimova imomning fotixasini olmoqda

Bundan ilgari, 7 dekabr kuni imom Shermurod Tog‘ay mashhur o‘zbek xonandasi Munisa Rizaevani “shahvat qo‘zg‘atuvchi” deya ayblab chiqqan edi.

«40-yil xizmat qilsang ham senga ishonch yo‘q. Ertaga sotilib ketishing mumkin. Bu gapni bejiz aytmayapman, Munisa Rizaeva to‘g‘risida yozgan maqolamdan keyin meni terrorist, uzun saqol deb haqorat qilishdi» deya yozg‘irdi imom 20 dekabr kuni o‘zining feysbukdagi mikroblogida.

Shuningdek imom bu safar nafaqat bu qo‘shiqchiga balki «o‘zbekcha ashula aytib, o‘rischa gapiradigan, o‘zbekcha o‘ynab, «ya uzbekskogo yazika neznayu», deb ishva qilib yigitlar hirsini qo‘zg‘ab, qizlarimiz hayosini buzadigan barcha yallachiyu otarchilarga» shunday murojaat qildi:

«Qo‘shiq aytishdan oldin o‘zing eshit, keksalarga ko‘rsat, ustozlardan so‘ragin shu qo‘shiqni aytsam bo‘ladimi yo‘qmi, yoshlarni yo‘ldan urmaymanmi, Alloh taolaning g‘azabiga uchramaymanmi, deb so‘ragach ashula aytish kerak»

Shu asnoda imomning baxstalab, almoyi-aljoyi fikrlaridan yana biri shunday yangraydi, «Goho o‘ylayman turklar tilimiz yaqin bo‘lsada bironta o‘zbekcha ashula aytganmi?»

Uning gaplaridan beixtiyor Cho‘lpon hayolimizga keldi.

Haqiqatan ham o‘zbeklar «Yasha Moskva!» deya rusning qo‘shiqlarini kuylab, o‘z oydinlarini qatl qilayotgan bir davrda, turklar o‘zbek shoiri Cho‘lponning «Go‘zal Turkiston» she'rini kuylayotgan, sevib tinglayotgan edilar.

«Qolaversa, kimligini aytmayman, madrasalarda kimnidir sakratib, yarim yalong‘och bo‘lib, azizlarni haqoratlab qo‘shiq aytganlardan xor bo‘lgan insonni ham bilasizlar» deydi u shuningdek prezident Karimovning qizi Gulnora haqida.

Ayni imomning yuqoridagi so‘zlaridan kelib chiqsak, o‘z navbatida Gulnora ham imomning keksa ustozlaridan so‘ramaganmidi nima qilishi kerakligini?

«Haqiqiy san'atkorlar misol uchun Munojat Yo‘lchievaga o‘xshab ashula aytsin, bironta odam basharang qursin hayosiz, iymonsiz deb qarg‘amaydi» deya «maslahat» beradi «Tinchlik» masjidi imomi o‘zbek xonandalariga.

Imom shuningdek, o‘zining ham san'at shinavandasi ekanini aytib, Shukur Burxon, Komiljon Otaniyozov kabi san'atkorlarni «qalbida saqlashi»ni bildirarkan, uning hamkasblari tomonidan umuman islomda qo‘shiq va musiqaning xarom ekanligiga oid fikrlar ham yangraydi.

Eltuz.com

Tag‘in o‘qing
24 may 2016
«Milliy tiklanish» partiyasi «yoshlarning Vatanga muhabbatini oshirish», «ularni milliy istiqlol g‘oyasiga sadoqat ruhida tarbiyalash»ga qaratilgan ko‘pdan-ko‘p tadbirlari qatorida «Prezident ...
28 fevral 2019
“Azon.uz” saytida etnograf olim Anvar Bo‘ronov bilan katta intervyu chiqibdi. Uning asosiy mavzusi — tangrichilik dinining o‘tmishi va buguni. ...
5 may 2021
Navoiy viloyatining Xatirchi tumanilik marhum fermer Muzaffar Muhammadievning yaqinlari viloyat va tuman prokuraturalariga ishonchsizlik bildirmoqda.  Marhumning qabri birinchi marta ...
18 sentyabr 2020
Yaxshilik, ezgulik va odamlarga qayishish haqida gapirgim keldi bugun. Ko‘zlarimga xunuk dunyoni ham go‘zal ko‘rsatadigan rangli ko‘zoynak taqqim keldi. ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...