Asosiy mavzular
6 yanvar 2017

Salim Abduvaliev Milliy Olimpiya qo‘mitasi vitse-prezidenti bo‘ldi

Milliy olimpiya qo‘mitasining 6 yanvar kuni bo‘lib o‘tgan XXX Bosh Assambleyasi yig‘ilishida Qo‘mita Vitse prezidentligiga Salim Abduvaliev saylandi.

Shuningdek qo‘mita sayti tarqatgan xabarda yig‘ilishni O‘zbekiston Respublikasi Bosh vaziri o‘rinbosari Adham Ikramov olib borgani bildirilgan.

Salim Abduvaliev, prezidentlik saylovida Shavkat Mirziyoev rasmi tushurilgan futbolkani kiyib chiqdi

Salim Abduvaliev, Valeriy Tyan, Farhod Turdiev va Umid Ahmadjonov esa qo‘mita vitse prezidentlari etib saylanishgan.

Xalq orasida Salim «Boyvachcha», «Salim Choyxonasi», «Salim razbor» laqablari bilan tanilgan Salim Abduvaliev nomi Vikiliks hujjatlarida O‘zbekistondagi mafiya lideri sifatida eslanadi.

Hususan, AQShning O‘zbekistondagi sobiq elchisi Jon Purnelning 2006 yil martida yo‘llagan kablogramida «Mafiya Bossi tomonidan davlat tenderlari va mansablarning taqsimlanishi» haqida batafsil yozilgan.

Vikiliks 2012 yilning fevralida e'lon qilgan hujjatlarga ko‘ra, Salim Abduvaliev muayan «kommisioni» evaziga o‘tkaziladigan tenderlarda hukumatdagi yuqori mansabdorlarning g‘alabasini ta'minlagan, shuningdek sobiq prezidentning qizi Gulnora Karimova bilan davlat mansablarini pullab kelgan.

2016 yilgi prezidentlik saylovlarida esa Salim Abduvaliev Shavkat Mirziyoev nomzodining faol targ‘ibotchisiga aylandi

Salim Abduvaliev 1950 yilning mayida Farg‘ona viloyatining Toshloq qishlog‘ida dunyoga kelgan, kurash bo‘yicha 5 karra O‘zbekiston chempioni bo‘lgan, sportdan ketgach, avvaliga zavodda ishlagan, keyin haydovchilik qilgan.

Bugungi kunda Toshkentdagi Yashnaobod tumanida istiqomat qiladi. 4 qiz hamda 2 o‘g‘ilning otasi.

Assambleya yig‘ilishida Karimov davrida telekommunikatsiya shirkatlarini litsenziyalashga oid korruptsiya ishi uchun chetlatilgan, bugungi kunda esa Bosh vazir bo‘lgan Abdulla Aripov ham ishtirok etdi.

4 yanvar kuni, O‘zbekistonda korruptsiyaga qarshi qonun imzolangan edi, biroq amalda hokimiyat tepasiga birin-ketin eski korruptsionerlarning qaytayotgani kuzatilmoqda.

So‘nggi kadrlar almashuvi fonida ikki kun burun qabul qilingan «Korruptsiyaga qarshi kurash haqidagi qonun»ning ishlashiga umid kam.

Transperens Interneshnl tashkiloti reytingiga ko‘ra O‘zbekiston korruptsiya darajasi bo‘yicha eng yomon mamlakatlar o‘nligiga kiradi.


Eltuz.com

Tag‘in o‘qing
30 noyabr 2016
Bir guruh o‘zbek faollari Telekommunikatsiya sektoridagi korruptsion sxemalar yordamida to‘plangan aktivlarning musodara qilinishi va korruptsiya jabrdiydalariga qaytarilishi lozimligi haqida ...
11 dekabr 2018
Toshkentda 10 dekabr kuni «Ijtimoiy media mahsulotlari» tadbirida «Bi-Bi-Si» o‘zbek xizmati «O‘zbekiston do‘stlari» diplomi bilan mukofotlandi. Tadbirda diplom va ...
13 iyul 2016
Turli nashrlar va ijtimoiy tarmoqlarda O‘zbeknavo raxbari Farhod Jo‘raevning xonandaga sahnaga chiqish emas, ruhshunosga uchrash tavsiyasini bergani haqidagi xabar ...
19 sentyabr 2018
Naqadar achchiqki, bolsheviklar inqilobidan buyon toptalib kelingan va endigina qaddini tiklagan jafokash o‘zbek tili tag‘in oyoqosti qilindi va bundan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...