Asosiy mavzular
25 iyul 2017

Ko‘pchilik MIBning qarz undirish choralariga tayyor emas

1 iyuldan Farg‘onada ish boshlagan Majburiy ijro byurosi (MIB) ishidan odamlar norozi bo‘la boshladi.

MIB inspektorlari uyma-uy yurib aliment, gaz, elektr energiyasi, ichimlik suvidan qarzdorlik kabi majburiy to‘lovlarni undirmoqda.

Bu faoliyat prezident Mirziyoevning «to‘lov intizomini mustahkamlash» haqidagi 29 may kuni chiqargan qaroriga ko‘ra yo‘lga qo‘yilgan.

It egasini tanimaydi…

Qarzdorlar Farg‘ona shahrining kollej binolaridan birida qabul qilinayapti. MIB boshlig‘i ham hozircha vazifasini bajaruvchi. Hali bu vazifaga odam tayinlanmagan.

Ilgari tuman sudida aliment undirish bilan shug‘ullanib kelgan MIB inspektori Eltuz muxbiriga, endilikda u elektr qarzlarini undirayotganini bildirdi.

«Bu yerda kim nima qilayotganligini bilmaydi. Oddiy aytganda, “kasha-malasha”. Menimcha, prezident bu qaror ijrosini ozroq kechiktirishi kerak edi», deydi u.

Uning so‘zlariga ko‘ra, odamlar ham, dabdurustdan borib, svetini, gazini, suvini uzib qo‘yishlariga tayyor emas.

MIB ko‘zyoshlarga ishonmaydi

Ko‘pchilik, ustilariga noqonuniy qarzdorliklar yuklab qo‘yilganini aytmoqda. Birinchi navbatda shu muammolar bartaraf etilishi kerak edi.

Boshqalar esa, shunchaki MIBchilarning qo‘qqisdan hujumi jabrini chekishayotganini bildirishmoqda.

«Uyimizda usta ishlayotgandi. Ikki nafar oq ko‘ylak kiygan yigit kelib «majburiy ijro»danmiz deyishdi, shartta mendan so‘ramay, tomga chiqib ketishdi.

Rasmga olishdi. Keyin tomdan tushib, svarkachi noqonuniy ulavolibdi tokka deb, darrov dalolatnoma tuzishdi. «Ie, ukalar bir safar kechiringlar, avval ogohlantiringlar!», deyishimga qaramay tuman elektr tarmoqlarining avariya xizmatini chaqirib, tokni uzdirishdi», deydi tumanlardan birida yashovchi erkak.

Uning so‘zlariga ko‘ra, to‘y qilmoqchi bo‘lgan. To‘y kuni yaqinligi uchun svarkachilarni shoshirgan.

Tuman markazidan 6-7 chaqirimda joylashgan MIB tuman bo‘limida uzoq kutganidan keyingina, unga «otning kallasiday» jarima yozib berishgan.

Qog‘ozbozlik ko‘paydi

Chirog‘i o‘chirib ketilgan yana bir farg‘onalik iste'molchi tadbirkorlik firmasi hisobidan elektr uchun o‘tkazgan puli MIBchilarning xatosi bilan schetga tushmay qolganini iddao qiladi.

«Bir amallab MIBdan to‘g‘ri hisob raqam olgunimcha ancha kech kirib qoldi. Banklar ishini to‘xtatdi. O‘sha kuni uyda chiroqsiz o‘tirdik. Ertasi yana bankka borib pulni o‘tkazdim. Poruchenie nusxasini olib MIBga borsam, u yerdagi qiz asl nusxasi kerak deb qabul qilmadi», deydi u.

Uning so‘zlariga ko‘ra, odatda asl nusxaning biri bankda, ikkinchisi pul o‘tkazgan tashkilotda qolardi. Bu ishni hal qilib kelgach ijrochi tag‘in, pasport nusxasi, mahalladan ma'lumotnoma talab qila boshlagan.

«Oldin kelganimda bu gaplarni aytishmagandi. Rosa tutoqib ketdim. Yana ovora bo‘lishim kerak edi-da. Xullas, bir amallab urush-janjal, to‘polon bilan svetimni yoqvoldim», – deydi MIBning ilk “qurbonlaridan” biri.

Eltuz muxbiri suhbatlashgan bir qancha mas'ullar, qaror yaxshi maqsadda chiqarilganligi, agar bir me'yorda ishlasa davlat xazinasiga kattagina tushum tushishini bildirishdi.

Ammo hozircha xalq ham, amaldorlar ham bu kabi byurolar ishiga tayyor emasligi ko‘rinib qolmoqda.

Nasima Davron qizi
Farg‘onalik muallif tahallusi
Eltuz.com

Tag‘in o‘qing
20 iyun 2017
19 iyun kuni kechqurun prezidentga shikoyati yuzasidan Toshkentga, Ichki ishlar vazirligidagi qabulga ketayotganida Surxandaryolik Karomat Qodirova yulda ushlanib orqaga ...
8 dekabr 2020
O‘zbekiston xalq shoiri Usmon Azim “Eltuz” muxbiri bilan suhbatda xonandalar Sanjay va Sherali Jo‘raev janjaliga umuman aralashmaganini, artist bilan ...
13 oktyabr 2017
9 oktyabr kuni O‘zbekiston bosh vaziri o‘rinbosari Tanzila Norboeva, (foto: chapdagi rasm) nuz.uz nashri orqali bergan bayonotida tibbiyot xodimlarini ...
24 sentyabr 2015
O‘zi mustaqillikdan keyin tug‘ilgan, majburlikdan Rossiyaga ishlash uchun kelgan yosh yurtdoshimiz «SSSR davrida hammasi yaxshi edi» dedi yarim alam ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...