Asosiy mavzular
27 sentyabr 2017

Kievda ushlangan o‘zbek jurnalisti O‘zbekistonga ekstraditsiya qilinishi mumkin

Ukraina sudi tomonidan qamoqqa olingan 51 yashar o‘zbek jurnalisti Narzullo Oxunjonov O‘zbekistonga estraditsiya qilinishi mumkin. Foto: Refat Chubarev

«Detektor medіa» nashriga ko‘ra, Kiev shahridagi Solomyansk tuman sudi 26 sentyabr kuni unga 40 kun vaqtinchalik qamoq jazosi belgilagan.

20 sentyabr kuni Oxunjonov, xotini va besh nafar farzandi bilan «Julyanы» aeroportida ushlangan edi.

Ohunjonovning advokati Aleksey Fyodorovga ko‘ra, 40 kun davomida sudlanuvchini O‘zbekistonga ekstraditsiya qilish masalasi ko‘rib chiqilishi kerak.

O‘zMTRKdagi ishidan bo‘shatilgach, to‘rt yil davomida Turkiyada yashagan jurnalist tovlamachilikda ayblanib, O‘zbekiston talabiga ko‘ra, Interpol qidiruvida bo‘lgan.

Shuningdek, Kiev nashrlari Oxunjonovning 20 sentyabrda Ukrainadan siyosiy boshpana so‘ragani, prokuratura esa uni qamoqqa olish uchun hujjat taqdim qilgani, sud vaqtinchalik qamoq jazosini rad qilishga asos topa olmaganini bildiradi.

Sudning bu qarori chiqquniga qadar, Narzullo Oxunjonov Kievdagi vaqtinchalik saqlash izolyatorida saqlangan. Hozir esa uni Kiev shahridagi tergov hibsxonasiga o‘tkazishgan.

Himoya tomoni sudga appelyatsiya shikoyati kiritgani, sud qarori keyingi instantsiyada qayta ko‘rib chiqilishi kerakligini bildirmoqda.

Fyodorovga ko‘ra, Oxunjonov ishiga xalqaro tashkilotlar faol aralashmoqda.

Bundan ilgari «Chegara bilmas muxbirlar» tashkiloti, jurnalistning oilasini O‘zbekiston hukumati ta'qibga olayotganini tasdiqlagan edi.

Shuningdek, khpg.org sayti, Ukraina Oliy Radasi deputati va Qirim tatarlari majlisi lideri Refat Chubarov ham o‘zbek jurnalistiga Ukrainadan boshpana berilishidan umidvor ekanini yozgan.

Oilasi bilan Kievga Turkiya orqali kelgan Oxunjonovning besh nafar farzandi va xotini ham hozir Ukraina poytaxtida qolmoqda.

Eltuz.com

Tag‘in o‘qing
28 iyul 2018
Qadrli vebsahifamiz o‘quvchilari. «Eltuz» nashri jamoasi ta'tilga chiqadi. Bu vaqt ichida o‘tgan davr mobaynida bosilgan e'tiborga loyiq ayrim maqolalar, ...
25 may 2022
«Eltuz» nashrida chop etilgan “Namangan soliq tizimidagi naxanglar” maqolalari ortidan, nihoyat Namangan viloyat soliq idorasidagi «vaziyat ijobiy tomonga o‘zgargan». ...
8 dekabr 2020
O‘zbekiston xalq shoiri Usmon Azim “Eltuz” muxbiri bilan suhbatda xonandalar Sanjay va Sherali Jo‘raev janjaliga umuman aralashmaganini, artist bilan ...
23 oktyabr 2023
Rossiya. Petrburg. 17 oktyabrga o‘tar kechasi Dostoevskiy ko‘chasidagi “Kattaqo‘rg‘on” kafesi yaqinida 11 nafar o‘zbek bir birini tepkilab yotibdi. Bittasi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...