Catira
7 noyabr 2018

Kesak ko‘targan qamaldi, ko‘tartirgan hokim bo‘ldi

Hokimlik mulozimlari va fermerlarga kesak ushlatib, suvli ariqqa tushirib, mashina oldida yugurtirib sazoyi qilgan amaldor Zoyir Mirzaev ishdan olingach,  Jizzax viloyati Sharof Rashidov tumani hokimi lavozimiga tayinlandi.

Ammo sazoyi qilinganlarning biri 26 oktyabrdan buyon qamoqda qolmoqda.

4 noyabr kuni «Ozodlik» radiosi muxbiri Sadriddin Ashurovning xabar berishicha, 26 oktyabr kuni kesak ko‘tartirilgan 6 kishining biri – tuman qishloq xo‘jaligi bo‘limi boshlig‘i Qosim Bozorboev hibsga olingan va tergovga tortilgan.

Toshkent viloyatining Bekobod va Oqqo‘rg‘on tumanlarida ro‘y bergan voqea – shaxslarning omma oldida sazoyi qilinishi fakti shu paytgacha na hukumat, na sobiq amaldor tomonidan rasman izohlanmadi.

Ijtimoiy tarmoqda rasmlari tarqalgach, shu kuni g‘allani sug‘ormagani uchun suvga bo‘ktirilganlarning ikkitasi «ariqqa o‘zlari» tushganlarini bildirishgan va bosh vazir o‘rinbosarining aybini inkor etishga urinishdi.

Prezident Mirziyoev majburiy mehnat mavzuiga oid yig‘ilish yakunlariga ko‘ra chiqargan 29 oktyabr kungi farmoyishi bilan bosh vazir o‘rinbosari Zoyir Mirzaevni g‘alla ekish va sug‘orish ishlarini tashkil etish jarayonida jiddiy kamchiliklarga yo‘l qo‘ygani uchun ishdan olgan edi.

Rassom Tuz
Eltuz.com

Tag‘in o‘qing
26 yanvar 2022
Hammani avval kuldirib, keyin yig‘latgan atoqli o‘zbek adibi, O‘zbekistonda xizmat ko‘rsatgan madaniyat xodimi, taniqli dramaturg, O‘zbekiston Yozuvchilar uyushmasi a'zosi ...
27 aprel 2017
Prezident Mirziyoevning tabiiy gazni sotishni xususiy operatorlarga o‘tkazishga oid hujjatni imzolashi ortidan, o‘zbek matbuotida bu qarorni olqishlovchi materiallar paydo ...
5 yanvar 2024
Aziz og‘a ini, opa singil qadrdonlarim. Mana hafta aylanib, siz bilan birgaman. Yangi yilda sizlarning yuzingizga qarab, tabassum qilish ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...