Dayjest
6 oktyabr 2016

Maddohlikka do‘ngan yodnomalar

So‘nggi vaqtlarda mahalliy nashrlarda O‘zbekistonning marhum prezidenti xotirasiga mashhur kishilarning yodnomalarini chiqarish an'anasi kuzatilmoqda.

«Qishloq hayoti» gazetasi (04.10) bu an'anani davom ettirib, «Xalq orzu-istaklari bilan maydonga chiqqan yo‘lboshchi» sarlavhali maqola e'lon qildi.

Maqola sovet davrining so‘nggi kunlaridan yozg‘irish bilan boshlanadi. O‘sha vaqtlarda «…quruq va'dalar joniga tekkan odamlar mahalliy hokimiyatga ham, markaziy hokimiyat idoralariga ham ishonmay qo‘ygan edi», deyiladi gazetada.

«Paxta yakkahokimligi misli ko‘rilmagan darajaga yetgani bois, odamlarga tomorqa yerlari berilmas, ularning qo‘shimcha daromadi deyarli yo‘q edi», deya davom ettiriladi.

Albatta, yodnomada Islom Karimov mamlakat rahbarligiga kelgandan keyin «O‘zbekistonda tub islohotlar amalga oshirilgani», «mustaqillik yillarida xalqning orzu-istaklari ro‘yobga chiqqani» takror-takror aytilmasa, u to‘laqonli bo‘lmasdi.

Lekin unda bugun ham quruq va'dalar xalqning joniga tegib ketgani, na mahalliy, na markaziy hokimiyatga ishonch yo‘qligi negadir tilga olinmagan.

Sovet davrida, hatto uning oxirgi yillarida hali tug‘ilmagan bolalariga ham tomorqa olish unchalik qiyin bo‘lmagani, aksincha hozir tomorqa olish eng katta muammolardan biriga aylangani haqida aytish yoddan chiqqan.

Balki maqola mualliflari «o‘lganning orqasidan yomon so‘zlarni aytib bo‘lmaydi», degan aqidaga amal qilib, marhum prezidentning 27 yillik hukmronligi xalq boshiga ancha kulfatlar ham keltirganini eslamagandir?!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
27 avgust 2019
«Bir tomondan, dindorlarni ta'qib qilish ayni cho‘qqisiga chiqqan payt, boshqa tomondan, ota-onasini qariyb bir yildan beri ko‘rmaganligi… Axiyri, u ...
28 sentyabr 2015
Ba'zida o‘zaro bahslashayotanlar orasida bir-birini «manqurt (zombi)» likda ayblashlar uchrab turadi. Xo‘sh, aslida manqurtlar kimlar? Men hozir qo‘ldan kelgancha ...
7 may 2020
Sardoba suv ombori o‘pirilishidan zarar ko‘rgan aholi haqida reportaj qilish uchun Sirdaryoga borgan O‘zA muxbiri Anora Sodiqova 6 may ...
26 noyabr 2018
Haqiqatdan ham, “Yaxshiga qilsang yaxshilik ham aytadur, ham qaytadur ,- deydi, “yomonga qilsang yaxshilik, na aytadur, na qaytadur” deyishadi. ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...