Asosiy mavzular
10 yanvar 2020

Huquq faollari sudya Ilgizar Sobirovdan qiynoqlarni surishtirishni talab qildi

2020 yil 8 yanvar kuni jinoyat ishlari bo‘yicha Toshkent shahri Chilonzor tumani sudida kollej o‘quvchilari Maqsud Qosimov va Azizbek Dadaboev ishi bo‘yicha sud jarayoni boshlandi.

Bu ikki yigit avtomobildardan pul o‘g‘irlaganlikda ayblanmoqda. 

Sudda ishtirok etgan huquq faoli Yelena Urlaeva sudya Ilgizar Sobirovdan tergov paytida sudlanuvchilarga nisbatan qiynoq qo‘llanilganini surishtirishni talab qildi. 

Sudyaning qiynoqqa oid savoliga sudlanuvchi Maqsud Qosimov javob berib, tergov davomida Chilonzor tumani ichki ishlar boshqarmasi (IIB) xodimlari uning qo‘llariga kishan solib, ustiga chiqib sakrashgani va uni “Spark” rusumli avtomobildan pul o‘g‘irlash aybiga iqror qilish uchun kaltaklashganini aytdi.

Chilonzor tuman IIBning jabrlanuvchi shikoyati yuzasidan rasmiy javobi

Sud majlisida ma'lum bo‘lishicha, Chilonzor tumani IIB tergovchisi Sardor Maqsutullaev ayblanuvchi Maqsudning onasi Gulnora Qosimovaga o‘g‘irlangan 2100 AQSh dollari va 2,5 million so‘m miqdoridagi pulni to‘lagan taqdirda o‘g‘lini ozod etishga va'da bergan.

Pul to‘landi, jabrlanuvchilar pulni olganliklari haqida tilxat yozishdi, ammo ayblanuvchilar qo‘yib yuborilmadi.

Yelena Urlaevaning yozishicha, butun sud jarayonida prokuror Hasanboev saqich chaynab o‘tirgan, keyin esa sudyadan boshqa ishlari borligini aytib, unga javob berishlarini so‘ragan. Ammo sudya Sobirov sud jarayoni tugaguniga qadar prokuror sud zalida bo‘lishini talab qilgan. Keyingi sud majlisiga tergovchi, guvohlar va jabrlanuvchilarning guvohlik berishga chaqirilishi kutilmoqda. 

Keyingi sud majlisi 17 yanvar soat 15.00 ga belgilangan. 

Huquq faollari Chilonzor tumani IIBda hibsga olinganlarga nisbatan qiynoqlar qo‘llanilgani haqida bir necha bor xabar berishgan. 

2017 yilning dekabrida Chilonzor tumani ichki ishlar boshqarmasida shifokor Timur Yusupovni o‘ldirganlik aybiga iqror qilish uchun Mustafo Temirovga shafqatsiz qiynoq qo‘llanilgan. Temirovning sochlari yulingan, boshi yorilgan. 

Hibsga olingan boshqa bir yigitning onasi Dilbar Toshmuhammedovaning yozishicha, uning o‘g‘li 2017 yil 5 dekabr kuni Chilonzor TIIB xodimlaridan iborat 8 nafar shaxs tomonidan o‘g‘irlab ketilgan. 

“Chilonzor tumani IIB xodimlari Abdumalik Hasanov, Aziz, Oybek, Dilshod, Umid va boshqalar o‘g‘lim Sarvarni shafqatsizlarcha, hushidan ketguncha kaltaklashdi, barcha zobitlar Umidning (IBB xodimi) tug‘ilgan kunini nishonlashgani uchun o‘sha kuni mast bo‘lishgan”. 

Huquq faollarining xabar berishicha, 2016 yilda Chilonzor IIBda Saidakmal Xolmatovni qiynoqqa solishgan,  uning tirnoqlari ostiga igna sanchishgan va shafqatsiz kaltaklashgan. 

So‘nggi 20 yil ichida qiynoqlar qo‘llash va aybga iqrorlik ko‘rgazmasi O‘zbekiston tergov idoralarida fuqarolarning aybdorligini isbotlovchi asosiy usulga aylandi. Qoidaga ko‘ra, ayblanuvchining aybiga iqror bo‘lishi aybdorlikning yagona isboti edi va tergovchilar har qanday usul bilan ayblanuvchilardan “ixtiyoriy ravish”da aybni tan olishni talab qilishardi. Sudlar ayblanuvchilarning qiynoqqa oid shikoyatlariga e'tibor qilishmagan va shu tariqa vijdonsiz tergovchilarning qiynoqlarni davom ettirishlariga yo‘l ochib berishgan. 

Eltuz.com

Tag‘in o‘qing
4 yanvar 2016
Qudrat Bobojon Eltuz.com Eltuz manbalariga ko‘ra janozada ortiqcha gap so‘z bo‘lmasligini MXX zobitlari maxsus nazorat qilgan. O‘z TV diktori ...
7 aprel 2022
Apparell Insider nashri uchun maxsus yozilgan ushbu maqolada O‘zbekiston inson huquqlari forumi vakili Lin Shvaysfurt O‘zbekiston paxtachiligida tizimli majburiy mehnat tugatilishi muhim voqea bo‘lsa-da, inson huquqlari bilan ...
1 avgust 2017
Iyul oyida O‘zbekiston televideniesi hayotida ro‘y bergan eng muhim hodisa, shubhasiz, «O‘zbekiston 24» telekanalining faoliyat boshlagani bo‘ldi. Garchi mamlakat ...
31 avgust 2020
Hozirgi yoshlar orasida «kalta paypoq» kiyganlar ko‘p yoki ozligini bilmayman. Lekin hozirga kelib aksari (hammasi emas) yoshlar uylanish jarayonida ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...