Kundalik
3 fevral 2016

Prokuror Aramais Avakyanga 18 yil so‘radi

2 fevral kuni Jizzax viloyat jinoiy sudida davom etgan «Fermer Aramais ishi»ning maxkama jarayonida davom etdi. Prokuror Sh. Turdibekov, Aramais Avakyan «159, 161, 244 moddalarda ko‘rsatilgan jinoyatlarni sodir etgani uchun», unga umumiy xisobda 18 yillik qamoq jazosi so‘radi.

Sudlanuvchilar Furqat Jo‘raev, Bektemir Umurzoqov, Akmal Matmurodov, Dilshod Alimovlar uchun prokuror 10, 15 yildan jazo so‘ragan bo‘lsa, bu ishdagi asosiy guvox sanalayotgan va kasbi sartarosh bo‘lgan Azamat ismli sudlanuvchiga 3 yillik jazo so‘ragan.

Aramais Avakyandan tashqari barcha sudlanuvchilar, o‘zlaring so‘nggi so‘zlarida, ayblariga iqrorliklarini aytishib, o‘zbek xalqi va Islom Karimovdan kechirim so‘rashgan.

Faqat Aramais Avakyan xech kimdan kechirim so‘ramasligini aytgan.

«Men bu moddalarda ko‘rsatilgan jinoyatlarni sodir etmaganman. Va kechirim so‘ramayman. Men arman bo‘lsamda, shu O‘zbekistonda voyaga yetdim. Bu yurt mening vatanim. Va men unga xiyonat qilmaganman» degan Aramais Avakyan.

Sudya tanafus vaqtida Shirin Tursinovaga turmush o‘rtog‘i Aramais Avakyan yoniga kelishga va gaplashib olishga ruxsat bergan.

«Men uning qo‘llaridan ushladim va unga, ruxini tushirmasligini aytdim. Yana, xalqaro tashkilotlar, Jurnalistlar va dunyo armanlari uyushmalari seni taqdiringdan xabardorlar dedim. Uning ko‘rinishi bugun ancha yaxshi, ruxi tetik ko‘rindi menga» dedi eltuz.com bilan suxbatda Shirin Tursinova.

Xukm o‘qilishi kutilayotgan sudning oxirgi majlisi qachon bo‘lishi yig‘ilganlarga aytilmagan.

Ulug‘bek Ashur
Eltuz.com

Tag‘in o‘qing
9 may 2022
(Taniqli shoir va siyosatchi Muhammad Solihning “Imperativ” kitobidan 48-qism. Audiokitob matnini muallifning o‘zi o‘qigan. Davomi bor.) «Sof san'at» fidoiylarining ...
28 yanvar 2024
Milliy Gvardiyachining narkotik savdosi bilan shug‘ullanishini tasavvur qila olasizmi? O‘zbekistonda bo‘lishi mumkin, deyishingiz mumkin. Lekin, bangivor moddalar tujjori yoki ...
27 yanvar 2018
“Imom al-Buxoriy” va “Buyuk Amir Temur” kabi filmlarni suratga olgan taniqli kinochi Baqo Sodiqov prezident farmoni bilan O‘zbekiston vatandoshi ...
11 aprel 2020
10 aprel – Abdulla Qodiriy tavallud topgan kunda prezident tomonidan O‘zbekiston Respublikasining «O‘zbek tili bayrami kunini belgilash to‘g‘risida»gi qonuni ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...